პარლამენტში დღეიდან ცვლილებების პროექტის განხილვა განახლდება, რომლის საფუძველზეც განათლების, მეცნიერების, კულტურისა და სპორტის სამინისტრო იყოფა და ორ უწყებად ყალიბდება

დღეიდან პარლამენტში მთავრობის სტრუქტურაში დაგეგმილი ცვლილებების პროექტის განხილვა განახლდება.

საკანონმდებლო პაკეტს, რომლის მიხედვით, განათლების, მეცნიერების, კულტურისა და სპორტის სამინისტრო იყოფა და ორ სამთავრობო უწყებად - განათლებისა და მეცნიერების და კულტურის, სპორტისა და ახალგაზრდობის სამინისტროებად ყალიბდება, ჯერ პარლამენტის საფინანსო-საბიუჯეტო კომიტეტი, შემდეგ კი, განათლების, მეცნიერებისა და კულტურის კომიტეტი განიხილავს. საკანონმდებლო პაკეტი ცვლილებებს 57 კანონში ითვალისწინებს.

გარდა ამისა, დღევანდელ სხდომაზე პარლამენტის განათლების, მეცნიერებისა და კულტურის კომიტეტი მისი შემადგენლობიდან კულტურის სფეროს გამოყოფისა და ახალი საპარლამენტო კომიტეტის - კულტურის კომიტეტის შექმნის ინიციატივაზე იმსჯელებს.

იხილეთ ვიდეო:პარლამენტში მთავრობის სტრუქტურაში დაგეგმილი ცვლილებების პროექტის განხილვა განახლდება

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)