საქართველოს პარლამენტთან, აქცია სახელწოდებით „ერთად გადავარჩინოთ ბახმარო“ გაიმართა.

აქციის წევრები ბახმაროში დაგეგმილი ჰესის მშენებლობის წინააღმდეგ ხელმოწერებს აგროვებენ. მათი განცხადებით, ჰესის აშენების შემთხვევაში ბუნებრივი ზიანი ფართო მასშტაბის იქნება. ამავე მოთხოვნით ხელმოწერები შეგროვდება თელავსა და ბათუმშიც.

"პირველ რიგში ეს არის სოლიდარობის აქტი იმ ადამიანების მიმართ, რომლებიც ადგილზე იბრძვიან ამ სრულიად საზიანო ჰესის აშენების წინააღმდეგ. წარმოუდგენელია ისეთი სიმდიდრე, რომელიც არის ბახმარო ვინმემ მაფიოზურად აიღოს და ჩადგას ჰესი. შესაძლოა, ისეთი ადგილების მონახვაც, სადაც ბუნებრივი ზიანი ამ მასშტაბის არ იქნება. ამ სოლიდარობის გამოსახატად ბათუმში, თელავსა და თბილისში ვაგროვებთ ხელმოწერებს პეტიციისათვის და აუცილებლად გავაგრძელებთ ბახმაროს დაცვას”, - აღნიშნა ელენე ხოშტარიამ.

იხილეთ ვიდეო:საქართველოს პარლამენტთან, აქცია სახელწოდებით "ერთად გადავარჩინოთ ბახმარო" გაიმართა