„გირჩი - მეტი თავისუფლებას“ ლიდერი ზურაბ ჯაფარიძე აცხადებს, რომ სტუმრებს ბარში დღესაც ელოდება. ამის შესახებ მან სოციალურ ქსელში დაწერა.

მისი განცხადებით, როდესაც უსამართლობა ხდება კანონის, წინააღმდეგობა ხდება მოვალეობა.

“დღესაც გელოდებით, 19.00 საათიდან, აღმაშენებლის 45-ში. ეს ბარი არ დაემორჩილება არცერთ შეზღუდვას სანამ ყველა შეზღუდვა არ მოიხსნება”, - წერს ჯაფარიძე „ფეისბუქში“.

ცნობისთვის, 13 თებერვალს შრომის ინსპექცია დაუმორჩილებლობის ნიშნად გახსნილ ბარში "ჯაფარასთან" შევიდა და ობიექტი 2000 ლარით დააჯარიმა.