ლევან იოსელიანი - ცოტა ხნის წინ პარლამენტმა ნიკა მელიას მანდატი არ გაუუქმა, რომ კრიზისის განმუხტვისთვის სივრცე დარჩენილიყო, ახლაც სწორი იქნება, თუ იმუნიტეტს არ შეუჩერებენ

შევეცდები დავასაბუთო, მათ შორის სამართლის ლოგიკის ფარგლებში , რატომ იქნება უფრო სწორი, რომ პარლამენტმა არ შეუწყვიტოს უფლებამოსილება ნიკა მელიას, - ამის შესახებ „მოქალაქეების“ ერთ- ერთმა ლიდერმა ლევან იოსელიანმა ჟურნალისტებთან განაცხადა.

როგორც მან აღნიშნა, ცოტა ხნის წინ პარლამენტმა ნიკა მელიას მანდატი არ მოუხსნა იმ მოტივით, რომ დარჩენილიყო სივრცე პოლიტიკური კრიზისის განმუხტვისთვის. მისივე თქმით, ამ შემთხვევაშიც სწორი გადაწყვეტილება იქნება, თუ მას იმუნიტეტს არ შეუჩერებენ.

იოსელიანის განცხადებით, „მოქალაქეები“ მისთვის იმუნიტეტის შეჩერებას მხარს არ დაუჭერენ.

„მე შევეცდები, როცა ეს საკითხი პარლამენტში შემოვა, დავასაბუთო, თუ რატომ არ უნდა მოუხსნან იმუნიტეტი ნიკა მელიას იმ პირობებში, როცა სულ ერთი კვირის წინ ჩვენ მას შევუნარჩუნეთ იმუნიტეტი და ამის არგუმენტი იყო, რომ პოლიტიკური კრიზისის განმუხტვისთვის უნდა დაგვეტოვებინა სივრცე. მე მაინტერებსებს ჩემი კოლეგები „ქართული ოცნებიდან“ როგორ ხედავენ პარლამენტის როლს ამ პროცესში. პარლამენტი სწორედ იმისთვის არის, რომ ასეთ არაორდინალურ სიტუაციებში დადგეს პოლიტიკურ გადაწყვეტილებებზე ზევით. პოლიტიკოსი, როცა პოლიტიკურ რისკს იღებს, ამაში პარლამენტის როლი უნდა იყოს მნიშვნელოვანი. მე როცა ამ საკითხზე პარლამენტში მომეცემა სიტყვა, შევეცდები დავასაბუთო სამართლის ლოგიკის ფარგლებში მათ შორის, რატომ იქნება უფრო სწორი, რომ პარლამენტმა არ შეუწყვიტოს უფლებამოსილება ნიკა მელიას,“ - განაცხადა იოსელიანმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს