თამარ გაბუნია - 1 400 000 ვაქცინის დოზაა დაახლოებით, რაც ჩვენ „კოვაქსიდან“ გვეკუთვნის, დანარჩენი 2 მილიონ ნახევარი უნდა მოვიძიოთ სხვა მექანიზმებით

1 400 000 ვაქცინის დოზაა დაახლოებით, რაც ჩვენ „კოვაქსიდან“ გვეკუთვნის, დანარჩენი 2 მილიონ ნახევარი უნდა მოვიძიოთ სხვა მექანიზმებით და ეს მექანიზმი იქნება ევროკავშირის ქვეყნებთან მოლაპარაკება და პირდაპირი მოლაპარაკება მწარმოებელთან, - ამის შესახებ ჯანდაცვის მინისტრის მოადგილემ თამარ გაბუნიამ უწყებათაშორისი საკოორდინაციო საბჭოს სხდომის დასრულების შემდეგ ჟურნალისტებთან განაცხადა.

მისივე თქმით, მესამე-მეოთხე კვარტლისთვის შესაძლებელია, მეტი შანსი გაჩნდეს იმისთვის, რომ საქართველომ ვაქცინის დოზები პირდაპირ მწარმოებლისგან მოიპოვოს.

„ჩვენთვის მთავარი პლატფორმა მაინც „კოვაქსი“ რჩება და „კოვაქსის პლატფორმა“ შეიქმნა იმიტომ, რომ რისკები არ ყოფილიყო საქართველოს მსგავსი პატარა ქვეყნებისთვის, რომელსაც თავისი მოცულობით საინტერესო წინადადება ვერ ექნება მწარმოებელთან. აქედან გამომდინარე, ამ სოლიდარობის პრინციპის და განაწილების პრინციპიდან გამომდინარე შეიქმნა სწორედ „კოვაქსის პლატფორმა“. ჩვენი მთავარი მექანიზმი არის „კოვაქსის პლატფორმა“, თუმცა ამის პარალელურად მაინც არის კიდევ ორი მექანიზმი, რაც გვინდა, რომ გამოვიყენოთ, ერთი ეს გახლავთ ევროკავშირის ქვეყნებთან თანამშრომლობა იმგვარად, რომ მათ ის შესყიდული ჭარბი დოზა, რომელიც შესაძლოა ამ ეტაპზე მათთვის არ იყოს აუცილებელი, გადმოგვცენ, შეიძლება იყოს შესყიდვის ან დონაციის სახით და ასევე, რა თქმა უნდა, მაინც ძალაშია ბილატერალური მოლაპარაკებაც, რადგან პირველი კვარტალია რთული ყველასთვის, შემდეგ წარმოების მოცულობები გაიზრდება და უფრო მოგვიანებით მესამე, მეოთხე კვარტლისთვის უკვე შესაძლებელია, მეტი შანსი გაჩნდეს იმისთვის, რომ ჩვენ პირდაპირაც მოვიპოვოთ დოზები მწარმოებლებისგან. 1 400 000 დოზაა დაახლოებით, რაც ჩვენ „კოვაქსიდან“ გვეკუთვნის, დანარჩენი 2 მილიონ ნახევარი უნდა მოვიძიოთ სხვა მექანიზმებით და ეს მექანიზმი იქნება ევროკავშირის ქვეყნებთან მოლაპარაკება და პირდაპირი მოლაპარაკება მწარმოებელთან“, - განაცხადა გაბუნიამ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს