ამირან გამყრელიძე - მიუხედავად იმისა, რომ ბოლო კვირების განმავლობაში სკოლის 50 000-მდე პედაგოგი გავტესტეთ, პედაგოგებში დადებითობის მაჩვენებელი 0,2%-ია

მიუხედავად იმისა, რომ ბოლო კვირების განმავლობაში სკოლის 50 000-მდე პედაგოგი გავტესტეთ, 0,2% არის პედაგოგებში დადებითობის მაჩვენებელი, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს სხდომის დასრულების შემდეგ განაცხადა.

მისი განმარტებით, განსაკუთრებით ახლა, მნიშვნელოვანი იქნება დიდ ქალაქებში დაკვირვება სკოლების გახსნასთან დაკავშირებით. ამასთან, გამყრელიძის განმარტებით, კორონავირუსზე ტესტი ჩაუტარდათ სავაჭრო ობიექტებზე დასაქმებულებს, ტაქსის მძღოლებს და რელიგიის მსახურებს.

„20 000-მდე ტაქსის მძღოლია გატესტილი და დადებითობა არის დაახლოებით 0,5%; ბაზრობის მოვაჭრეებში 0,4%; რელიგიის მსახურებში 1%; და „მოლებსა“ და სავაჭრო დიდი ცენტებში 0,2% ანუ, აქაც ვატყობთ, რომ შესაბამისი პირობები და რეკომენდაციები დაცულია. თუმცა, არ უნდა გავთამამდეთ. მოგეხსენებათ, აგვისტოში დიდმა თავშეყრებმა და წვეულებებმა მოგვცა ის, რომ ეს ოქტომბერ-ნოემბერში გადაიზარდა სერიოზულ აფეთქებებში. იმისათვის, რომ ქვეყანაში იგივე არ განმეორდეს, უნდა ვიყოთ ძალიან მორიდებული და ფრთხილი. გარკვეული დაკვირვების შემდეგ დღეს რესტორნების ღია სივრცე გაიხსნა. გარკვეული დაკვირვების შემდეგ თვითონ რესტორნებიც გაიხსნება. არ უნდა გავთამამდეთ და უარი უნდა ვთქვათ საკმაოდ ხანგრძლივი პერიოდის განმავლობაში დიდ, ყველანაირ თავყრილობებზე, ეს იქნება სამხიარულო, ჭირის, სამეცნიერო, თუ სხვა. თავყრილობები არის ერთ-ერთი რისკფაქტორი ინფექციის გავრცელებისა“, - განაცხადა გამყრელიძემ.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)