საარჩევნო რეფორმის ფარგლებში, უმრავლესობის მიერ მომზადებული პროექტით, კანონის ამოქმედებისთანავე, საარჩევნო კომისიებში პოლიტიკური პარტიების მიერ დანიშნულ წევრებს უფლებამოსილება შეუწყდებათ.
საარჩევნო ადმინისტრაციების დაკომპლექტების წესში დაგეგმილი ცვლილებების გათვალისწინებით, საარჩევნო კომისიებში პარტიული კვოტა აღარ იარსებებს.
უმრავლესობის პროექტით, პოლიტიკურ პარტიას, რომელიც წარმოდგენილია პარლამენტში, საარჩევნო კომისიებში წევრის დანიშვის უფლება ექნება. პოლიტიკური პარტიის წარმომადგენელი სათათბირო ხმის უფლებით ისარგებლებს, თუმცა საარჩევნო კომისიის სხდომაზე კენჭისყრაში მონაწილეობის უფლება არ ექნება.
„ქართულმა ოცნებამ“ საარჩევნო ცვლილებების საკუთარი ვარიანტი უკვე მოამზადა და მსჯელობისთვის პარლამენტში შექმნილ სამუშაო ჯგუფს გადასცა.