გია ვოლსკი იაპონიის ელჩს საქართველოში, აკირა იმამურას შეხვდა

პარლამენტის თავმჯდომარის პირველი მოადგილე გია ვოლსკი საქართველოში იაპონიის საგანგებო და სრულუფლებიან ელჩს, აკირა იმამურას შეხვდა.

საქართველოს პარლამენტის პრესსამსახურის ინფორმაციით, შეხვედრაზე საუბარი ორ ქვეყანას შორის არსებულ ურთიერთობებს შეეხო. მხარეებმა საქართველოს საშინაო და საგარეო პოლიტიკის პრიორიტეტებზე ისაუბრეს. მიმოიხილეს ქვეყანაში მიმდინარე პოლიტიკური პროცესები. საუბარი, ასევე, შეეხო ქვეყნის წინაშე მდგარ გამოწვევებს.

„იაპონიის ელჩს აქვს ინფორმაცია და იზიარებს იმ პოზიციას, რაც აქვს ევროკავშირს და ამერიკის შეერთებულ შტატებს, რომ პოლიტიკური დებატები და პოლიტიკური დაპირისპირება უნდა მიდიოდეს პარლამენტში“, - განაცხადა გია ვოლსკიმ.

მხარეებმა მიმოიხილეს რეგიონში უსაფრთხოების კუთხით არსებული ვითარება. ყურადღება გამახვილდა ოკუპაციის საკითხებზე და კავკასიის რეგიონში რუსეთის პოლიტიკაზე. საუბარი ასევე შეეხო რეგიონში მშვიდობისა და უსაფრთხოების მნიშვნელობას და ამ მიმართულებით გაზრდილ საფრთხეებს.

„ჩვენ დეტალურად განვიხილეთ ოკუპაციის წინაპირობები, დღევანდელი სიტუაცია, რომელიც რეგიონშია შექმნილი და ის საფრთხეები, რომელიც ემუქრება არა მარტო საქართველოს, არამედ რეგიონს და რუსეთის მზარდი სამხედრო გავლენა ამ რეგიონზე. ჩემის მხრივ, დავამატე კიდევ გარკვეული ფაქტორები და ვისაუბრე იმაზე, რომ დესტაბილიზაციის სურვილი საქართველოში შეიძლება აწყობდეს მხოლოდ იმ ძალას, რომელიც საკმაოდ სერიოზულ საფრთხეს წარმოადგენს მშვიდობისათვის ამ რეგიონში“,- განაცხადა შეხვედრის დასრულების შემდეგ გიორგი ვოლსკიმ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი