“გირჩი - მეტი თავისუფლების“ ლიდერის ზურაბ ჯაფარიძის მიერ გახსნილ ბართან ამ წუთებში სიმშვიდეა. ტერიტორია უკვე დატოვეს თავად ზურაბ ჯაფარიძემ და მისმა მხარდამჭერებმა.

ადგილზე რჩებიან პოლიციის თანამშრომლები.

ცნობისთვის, “გირჩი - მეტი თავისუფლების“ ლიდერს, ზურაბ ჯაფარიძეს სამართალდამცავებმა მისი დალუქული ბარის გახსნის საშუალება არ მისცეს.

აღმაშენებლის გამზირზე მდებარე ბარი „ჯაფარასთან“ სამართალდამცავებმა დღეს დალუქეს საქმიანობის გაგრძელების გამო. გამოძიება იზოლაციის და კარანტინის წესის განმეორებით დარღვევის მუხლით დაიწყო. ზურაბ ჯაფარიძემ დაუმორჩილებლობის ნიშნად ბარი "ჯაფარასთან" 13 თებერვალს, 19:00 საათზე გახსნა.