იაგო ხვიჩია - გასაცოდავებული იყო რამდენიმე ადამიანი საკუთარი ბედისგან, რომ მიშას იქით გზა არ აქვთ, შემეცოდნენ

უნდა გენახათ, როგორი გასაცოდავებული იყო რამდენიმე ადამიანი საკუთარი ბედისგან, რომ მიშას იქით გზა არ აქვთ, შემეცოდნენ, - ამის შესახებ „გირჩის“ ერთ-ერთმა ლიდერმა იაგო ხვიჩიამ ტელეკომპანია „პალიტრანიუსის“ გადაცემა „360 გრადუსში“ დღეს „ლეიბორისტული პარტიის“ ოფისში ოპოზიციის წარმომადგენლებს შორის გამართულ შეხვედრაზე საუბრისას განაცხადა.

როგორც ხვიჩია აღნიშნავს, მიხეილ სააკაშვილის ამოცანაა, ოპოზიცია ცრუ დაპირებებით მოხიბლოს და გვერდით დაიყენოს.

„წარმოიდგინეთ, რამდენი ადამიანია, ვისაც მიშა არ უყვარს, ყველაფერი რომ ურჩევნია მიშასთან ურთიერთობას, მაგრამ სხვა გზა არ აქვს. 5%-იანი ბარიერი, რომელიც არის 2024 წელს, პატარა პარტიებს ხომ ყველანაირ შანსს უკარგავს. შესაბამისად, ახლა მიშას ამოცანაა, რომ ოპოზიცია, დიდიან-პატარიანად რაღაცნაირად ცრუ დაპირებით მოხიბლოს, მის გვერდით დაიყენოს. ახალი „ძალა ერთობაშია“ იყო „მოხოდილი“ დღეს „ლეიბორისტების“ ოფისში. ჩვენ „ძალა ერთობაშია“ ნამდვილად არ გვინდა.

დღეს იქ რომ ვისხედით, ყველასთვის გასაგები იყო, რომ ისინი მიხეილ სააკაშვილის თამაშს თამაშობენ. გვეთანხმებოდნენ, მაგრამ „სხვა გზა არ გვაქვს“ თემა იყო. მაგრამ სხვა გზა რომ არ აქვს, იმ ხალხთან ყოფნას ეს ვარჩიეთ. გვეცოდებიან ეს ადამიანები. მე რომ ეგ მიწევდეს - ვიცოდე, რომ სხვა გზა არ მაქვს და მიხეილ სააკაშვილთან მიწევს კოალიციაში ყოფნა, როგორია? თან „ევროპული საქართველოსთვის“ როგორია ეს ამბავი, წარმოიდგინეთ. ამდენი აგინეს მიხეილ სააკაშვილს“,- განაცხადა ხვიჩიამ.

ამასთან, ხვიჩიას განცხადებით, მიხეილ სააკაშვილი „ევროპულ საქართველოს“ „ნაციონალურ მოძრაობასთან“ შესარწყმელად ამზადებს.

„პარტია დაუშალა კიევიდან კაცმა. დაიბარა ორი ლიდერი, ჩამოვიდნენ და მესამე გადააყენეს. „ნაციონალურ მოძრაობასთან“ შესარწყმელად ამზადებს ამ მეორე პარტიას, „ევროპულ საქართველოს“, უბრალოდ, ბოკერია ბოლომდე ცდილობს სასოწარკვეთით დაიცვას თავისი პარტია.

სინამდვილეში მიხეილ სააკაშვილი ძალიან პრიმიტიულად თამაშობს. ამიტომაც სულ უგებენ „ქოცები“ ნებისმიერ არჩევნებს. მოვიდა ბიძინა ივანიშვილი, ესენი ცხენზე ისხდნენ და ჩამოსვა ერთ წელიწადში, პრიმიტიულ მოთამაშეს ასე ემართება“,- განაცხადა ხვიჩიამ.

იხილეთ ვიდეო:

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა