პროკურორი - უპრეცედენტო მოცემულობასთან გვაქვს საქმე, როცა ბრალდების მხარე საუბრობს ლმობიერ დამოკიდებულებაზე და დაცვის მხარე გამოთქვამს პრეტენზიას, რატომ არ მოახდინა პროკურატურამ ნიკა მელიას დაპატიმრება

შეიძლება ითქვას, რომ უპრეცედენტო მოცემულობასთან გვაქვს საქმე, როცა ბრალდების მხარე საუბრობს ლმობიერ დამოკიდებულებაზე ბრალდებულის მიმართ და დაცვის მხარე გამოთქვამს პრეტენზიას, რატომ არ მოახდინა პროკურატურამ ნიკანორ მელიას დაპატიმრება,- ამის შესახებ პროკურორმა ამირან გულუაშვილმა ჟურნალისტებთან პარლამენტში, საპროცედურო საკითხთა და წესების და იურიდიულ საკითხთა კომიტეტების ერთობლივი სხდომის დაწყებამდე განაცხადა.

როგორც მან აღნიშნა, ერთადერთი მიზეზი და საფუძველი, რის გამოც მოხდა ამ წინადადების წარმოდგენა და ამ პროცედურის ინიცირება ხორციელდება, არის მარტივი გარემოება, კერძოდ, ის რომ ნიკა მელიას არ სურს მასზე დაკისრებული გირაოს გადახდა, სხვა სამართლებრივი მოცემულობა ამ საკითხს არ აქვს.

"ჩვენი თვითმიზანი არასდროს ყოფილა ნიკანორ მელიას დაპატიმრება. ჩვენი მიზანი იყო, რომ მართლმსაჯულების პროცესი, რომელიც მის მიმართ ხორციელდება, წარმართულიყო სამართლებრივ ჩარჩოებში და მის მიმართ ყოფილიყო გამოყენებული ადეკვატური აღკვეთის ღონისძიება, რაც კონკრეტულ შემთხვევაში იყო გირაო. ის ფაქტი, რომ დღეს ამგვარი წინადადება არის წარმოდგენილი და პარლამენტი იმსჯელებს ამ საკითხზე, არის შედეგი ნიკანორ მელიას ქმედებისა, რომელსაც უბრალოდ არ სურს გირაოს თანხის გადახდა.

რაც შეეხება კითხვას, რატომ არ მოხდა ბრალდების მხარის მიერ თავდაპირველადვე პატიმრობის გამოყენება, ალბათ შეიძლება ითქვას, რომ უპრეცედენტო მოცემულობასთან გვაქვს საქმე, როცა ბრალდების მხარე საუბრობს ლმობიერ დამოკიდებულებაზე ბრალდებულის მიმართ და დაცვის მხარე ითხოვს, რატომ არ მოახდინა პროკურატურამ ნიკანორ მელიას დაპატიმრება. ყველა ამ საკითხთან დაკავშირებით დეტალურად ვიმსჯელებთ დღევანდელ სხდომაზე,"- განავხადა პროკურორმა.

მისივე თქმით, სახეზეა ოთხი მიზეზი, რის გამოც საჭიროა აღკვეთის ღონისძიება.

„საპარლამენტო იმუნიტეტი თანამდებობრივი მდგომარეობა არავისთვის არ არის ინდულგენცია, ყველა ვალდებულია დაემორჩილოს კანონს, შეასრულოს სასამართლოს გადაწყვეტილება მიუხედავად იმისა, ეთანხმება თუ არა მას.

რაც შეეხება აღკვეთის ღონისძიების მიზნებს, ჯერ კიდევ 2019 წლის 27 ივნისს, როცა თბილისის საქალაქო სასამართლომ განიხილა აღკვეთის ღონისძიების საკითხი, მაშინვე იქნა იდენტიფიცირებული ოთხი საფრთხე, ეს იყო: მიმალვის, მტკიცებულებათა განადგურების, მოწმეებზე ზემოქმდების და ახალი დანაშუალის ჩადენის საფრთხე. მიუხედავად იმისა, რომ მაშინ ბრალდების მხარის მოთხოვნა პატიმრობის გამოყენებაზე არ იქნა გაზიარებული სასამართლოს მიერ, როგორც პირველი ინსტანციის სასამართლომ, ასევე სააპელაციომ დაადასტურა საკუთარი განჩინებით, რომ 4- ვე საფრთხე იყო სახეზე. 2020 წლის 3 ნოემბერს, როცა ბრალდების შუამდგომლობის განხილვა მოხდა, მას შემდეგ რაც პოლიტიკური პერფორმანსის პირობებში მოიძრო სამაჯური და გადააგდო, აქაც სასამართლომ დაადგინა ამ საფრთხეების არსებობა, ამიტომ აღკვეთის ღონისძიების კონკრეტული მიზნების არსებობა მოცემულ საქმეში ეჭვს არ იწვევს.

ნამდვილად უპრეცედენტოა ამ საქმის სამართლებრივი მდგენელის ნაწილი, რომლის თანახმადაც, დაცვის მხარე გამოთქვამს პრეტენზიას, რატომ არ დააპატიმრა ბრალდებული პროკურტურამ, არ მგინია პრაქტიკაში გქონოდათ შემთხვევა, როცა ამგვარ პოზიციას მოისმენდით ადვოკატისგან,"- განაცხადა გულუაშვილმა.

იხილეთ ვიდეო:ერთადერთი სამართლებრივი ალტერნატივა პატიმრობაა - პროკურორი ნიკა მელიაზე

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს