გივი მიქანაძე - უმრავლესობის ყველა წევრი ნიკა მელიასთვის იმუნიტეტის მოხსნას მხარს დაუჭერს, დანარჩენი კი უკვე პროკურატურისა და სასამართლოს პრეროგატივაა

„ქართული ოცნების“ წევრის, გივი მიქანაძის განცხადებით, უმრავლესობის ყველა წევრი ნიკა მელიასთვის სადეპუტატო იმუნიტეტის მოხსნის საკითხს მხარს დაუჭერს, დანარჩენი კი უკვე პროკურატურისა და სასამართლოს პრეროგატივაა.

როგორც მიქანაძემ ჟურნალისტებთან განაცხადა, თუ ადამიანი კანონმდებლობას არ დაემორჩილება, მის მიმართ შესაბამისი პასუხისმგებლობა უნდა დადგეს.

„არანაირი პოლიტიკური მოტივი აქ არ არის. პარტიის თავმჯდომარეა, თუ რიგითი მოქალაქეა ვალდებულია, კანონმდებლობას დაემორჩილოს. შესაბამისად, თუ ადამიანი კანონმდებლობას არ ემორჩილება, ჩვენი მხრიდან რეაგირება იქნება. მეც და უმრავლესობის ყველა წევრიც ერთიან გუნდად ერთხმად, იმუნიტეტის მოხსნას მხარს დავუჭერთ. სასამართლოს პრეროგატივაზე ვერაფერს გეტყვით, ჩვენ ამ ეტაპზე მხოლოდ იმუნიტეტის საკითხს ვიხილავთ.

ეს ყველაფერი ჩვეულებრივ რეჟიმში გაგრძელდებოდა მას რომ გასული წლის ნოემბრის დასაწყისში, დემონსტრაციულად სამაჯური არ მოეხსნა. შესაბამისად, ამით დაერღვია დადგენილი რეჟიმი, რაც მას აღკვეთი ღონისძიების ფორმატში სასამართლომ განუსაზღვრა. ჩემი პირადი გადაწყვეტილებაა, რომ ადამიანი, როდესაც კანონს არღვევს მის მიმართ შესაბამისი პასუხისმგებლობა უნდა დადგეს. დღევანდელ დღეს კი მხოლოდ იმუნიტეტის მოხსნის საკითხს ვიხილავთ, მეტს არაფერს! დანარჩენი უკვე პროკურატურისა და სასამართლოს პრეროგატივაა“, - განაცხადა მიქანაძემ.

ცნობისთვის, პარტია “ნაციონალური მოძრაობის“ თავმჯდომარის ნიკა მელიასთვის სადეპუტატო იმუნიტეტის შეჩერების საკითხზე პარლამენტი დღეს იმსჯელებს.

გენერალური პროკურატურა 2019 წლის 20 ივნისის საქმეზე ბრალდებული ნიკა მელიას მიმართ, აღკვეთის ღონისძიების - გირაოს, უფრო მკაცრი ღონისძიებით - პატიმრობით შეცვლას ითხოვს. საგამოძიებო უწყებამ თანხმობის მისაღებად პარლამენტს 12 თებერვალს მიმართა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს