იურიდიულ საკითხთა კომიტეტის თავმჯდომარემ, ანრი ოხანაშვილმა საქართველოში ავსტრიის რესპუბლიკის საგანგებო და სრულუფლებიან ელჩთან, თომას მიულმანთან გაცნობითი ხასიათის შეხვედრა გამართა. ამის შესახებ ინფორმაციას პარლამენტი ავრცელებს.

მათივე ცნობით, შეხვედრისას მხარეებმა საპარლამენტო ფორმატებში თანამშრომლობის საკითხებსა და სამომავლო გეგმებზე ისაუბრეს.

„ვინაიდან მე საქართველოს პარლამენტის ავსტრიის პარლამენტთან მეგობრობის ჯგუფს ვუხენმძღვანელებ, ჩვენ ერთმანეთს ის სამომავლო გეგმები გავაცანით, რა მიმართულებებითაც თანამშრომლობას ვაპირებთ. ავსტრია ჩვენი ქვეყნის სუვერენიტეტის და ტერიტორიული მთლიანობის მტკიცე მხარდამჭერია. ბატონ თომას მიულმანთან ძალიან საინტერესო შეხვედრა მქონდა და მჯერა, რომ ჩვენ ნაყოფიერი თანამშრომლობა გვექნება“, - განაცხადა შეხვედრის დასრულების შემდეგ იურიდიულ საკითხთა კომიტეტის თავმჯდომარემ, ანრი ოხანაშვილმა.