არჩილ თალაკვაძე ეუთოს მოქმედ თავმჯდომარეს, შვედეთის სამეფოს საგარეო საქმეთა მინისტრს შეხვდა

საქართველოს პარლამენტის თავმჯდომარე, არჩილ თალაკვაძე ეუთოს მოქმედ თავმჯდომარეს, შვედეთის სამეფოს საგარეო საქმეთა მინისტრ ან ლინდეს შეხვდა.

პარლამენტის პრესსამსახურის ინფორმაციით, შეხვედრაზე ორ ქვეყანას შორის არსებულ პოლიტიკური და სტრატეგიული თანამშრომლობის საკითხებზე ისაუბრეს.

არჩილ თალაკვაძემ აღნიშნა, რომ ან ლინდეს ვიზიტი სოლიდარობისა და მეგობრობის კიდევ ერთი დადასტურებაა. პარლამენტის თავმჯდომარემ ხაზი გაუსვა საქართველოს მზადყოფნას, შვედეთის თავმჯდომარეობის პერიოდში, ეუთოსთან მჭიდროდ ითანამშრომლოს. არჩილ თალაკვაძის თქმით, შვედეთი მნიშვნელოვან როლს ასრულებს საქართველოს დემოკრატიული განვითარებისა და რუსეთ-საქართველოს კონფლიქტის მშვიდობიანი გადაჭრის მიმართულებით.

ყურადღება გამახვილდა საქართველოს ოკუპირებულ რეგიონში არსებულ მძიმე ჰუმანიტარულ ვითარებასა და რუსეთის ფედერაციის ქმედებებზე. პარლამენტის თავმჯდომარე სტუმარს ადამიანის უფლებათა ევროპული სასამართლოს გადაწყვეტილებაზეც ესაუბრა. საუბარი ასევე, შეეხო ჟენევის საერთაშორისო მოლაპარაკებების ფორმატს და მის მნიშვნელობას“,- აღნიშნულია ინფორმაციაში.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 03.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
იურიდიული პირები პროკრედიტ ბანკში ანგარიშებს დისტანციურად გახსნიან