გია ვოლსკი - არ შეიძლება სახელმწიფოში იყოს ქაოსი და ქვეყანა ფანჩატურში დაწერილი წესებითა და დღის წესრიგით იმართებოდეს

არ შეიძლება სახელმწიფოში იყოს ქაოსი და ქვეყანა ფანჩატურში დაწერილი წესებითა და დღის წესრიგით იმართებოდეს, - აღნიშნული განცხადება პარლამენტის პლენარულ სხდომაზე პარლამენტის პირველმა ვიცე-სპიკერმა გია ვოლსკიმ გააკეთა.

ვოლსკის შეფასებით, თვალსაჩინოა დარღვევა, რომელიც განაპირობებს გენერალური პროკურატურის მომართვის საფუძვლიანობას დეპუტატ ნიკა მელიასთვის იმუნიტეტის შეჩერებაზე. მისივე თქმით, ამ თვალსაჩინო დარღვევის სიმძიმეზე იმსჯელებს სასამართლო და არა - პარლამენტი.

“მოცემულობაა ისეთი, როდესაც ჩვენ გვეკითხებიან, არსებობს თუ არა სახელმწიფო. გადაწყვეტილებას აქედან გამომდინარე ვიღებთ! რაც შეეხება საქმის პოლიტიკურ ნაწილს, რეალობა ასეთია - რუსეთის ფედერაციის არც თუ გავლენიანი დეპუტატი აკეთებს განცხადებას, რომელიც რიგი მედია საშუალებების ამოსავალ წერტილად იქცა. დაუსვეს კითხვა და მიიღეს პასუხი, თუ რა ცუდები არიან ისინი, ვინც ჩვენ გვიპირისპირდებიან და რა კარგი ვართ ჩვენ! უნდა შევაფასოთ, ვის აწყობდა ეს განცხადება, ვის აწყობდა პარლამენტის ამ სავარძელში ჩახტომა და ვისი დაკვეთით შეიძლება მოქმედებდეს ესა თუ ის ადამიანი, რომელიც ოკუპანტ ძალას წარმოადგენს. აქ შეკითხვები ზედმეტია“, - განაცხადა გია ვოლსკიმ პარლამენტის პლენარულ სხდომაზე.

დღეს პარლამენტი გენერალური პროკურორის მომართვის საფუძველზე დეპუტატ ნიკა მელიას სადეპუტატო იმუნიტეტის შეჩერების საკითხს იხილავს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი