გიგა ბოკერია - თუ ნიკა მელიას დააკავებენ, თავის ბედს გახდიან დრამატულს, ქვეყანას დააზიანებენ და კიდევ უფრო გააღრმავებენ ბრაზს

თუ ნიკა მელიას დააკავებენ, თავის ბედს გახდიან დრამატულს, ქვეყანას ძალიან დააზიანებენ და კიდევ უფრო გააღრმავებენ ბრაზს და დაპირისპირებას, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ ჟურნალისტებთან საუბრისას განაცხადა.

მისივე თქმით, ნიკა მელიას წინააღმდეგ დაწყებული საქმე პოლიტიკური დაკვეთაა.

ნიკა მელიას წინააღმდეგ მთელი საქმე არის პირდაპირი პოლიტიკური დაკვეთა, ამოცანით რომ ზოგადად საზოგადოება, კერძოდ, ოპოზიციური სპექტრი დააშინონ და შესაძლოა, გამოთიშონ ყველაზე მსხვილი ოპოზიციური პარტიის ლიდერი პოლიტიკური ცხოვრებიდან. ეს ყველაფერი კეთდება იმისთვის, რომ ძალაუფლება შეინარჩუნონ და დათრგუნონ საზოგადოების აღშფოთება და პროტესტი იმაზე, რაც ქვეყანაში ხდება. ისინი ამ ამოცანას ვერ მიაღწევენ, მაგრამ თუ ამ ნაბიჯს გადადგამენ და დააკავებენ ნიკა მელიას, თავის ბედს გახდიან დრამატულს, ქვეყანას ძალიან დააზიანებენ და კიდევ უფრო გააღრმავებენ ბრაზს და დაპირისპირებას - ყველაფერს გააფუჭებენ. იმედი მაქვს, ამ ნაბიჯს ვერ გაბედავენ და არ და ვერ გადადგამენ. ინსტიტუტების ჩამოშლას, ჩვენი ქვეყნის კურსიდან გადახვევას და დიდი საფრთხის წინაშე დაყენებას ყველაფრის, რასაც სახელმწიფო ინსტიტუტების ტრადიცია ჰქვია, სათავე დაუდო ამ რეჟიმმა და აგრძელებს ნაბიჯ-ნაბიჯ. ოპოზიციური პარტიის ლიდერის დაჭერა იქნება კიდევ ერთი დარტყმა ამ მიმართულებით. ამიტომ, ჩვენ იმ გაყალბებულ არჩევნებთან დაკავშირებით და ნორმალური ვადამდელი არჩევნების მოთხოვნით აქციები დაგეგმილი გვაქვს და ეს გაგრძელდება ვიდრე არ მივაღწევთ ვადამდელ არჩევნებს, მაგრამ თუ ნიკა მელია დაიჭირეს, მაშინ, რა თქმა უნდა, ეს შეიტანს დიდ კორექტივებს ყველაფერში“, - განაცხადა გიგა ბოკერიამ.

იხილეთ ვიდეო:გიგა ბოკერიას თქმით, თუ ნიკა მელიას დააკავებენ, თავის ბედს გახდიან დრამატულს, ქვეყანას დააზიანებენ და კიდევ უფრო გააღრმავებენ ბრაზს

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა