მცხეთის მერიასთან, სადაც პედაგოგები აქციას მართავენ, ხმაური და ფიზიკური დაპირისპირებაა. მასწავლებლები აცხადებენ, რომ სკოლიდან უსაფუძვლოდ, პოლიტიკური ნიშნით გაათავისუფლეს. აქციის მონაწილეები კითხვებზე პასუხის მისაღებად მერთან შეხვედრას მოითხოვენ, თუმცა მათ სამართალდამცველები ამის საშუალებას არ აძლევენ.
საპროტესტო აქციაზე იმყოფებიან პარტია „ლელოს“ წარმომადგენლებიც.
„ადამიანი მოვიდა და გვეეუბნება, რომ მერიის შენობაში არცერთი ადამიანი არ არის, ვინც პასუხს გაგვცემს. ეს არის უბრალოდ სირცხვილი. არც ერთი ადამიანი არ არის, ვინც პასუხს გაგვცემს, რატომ გაათავისუფლეს სკოლის დირექტორები საარჩევნო მიზნების და საარჩევნო ანგარიშსწორების გამო“,-განაცხადა საბა ბუაძემ.