ციფრული ახალგაზრდული საქმიანობის ონლაინ სივრცის digitalyouthwork.ge პრეზენტაცია გაიმართა, რაც ახალგაზრდული საქმიანობისა და ზოგადად, ახალგაზრდული სფეროსთვის მნიშვნელოვანი წინგადადგმული ნაბიჯია.
ახალგაზრდობის სააგენტოს ცნობით, პროექტი „ახალგაზრდული საქმიანობა- ციფრული სამყარო“ მიზნად ისახავს ახალგაზრდული საქმიანობისა და არაფორმალური განათლების ხელმისაწვდომობის გაზრდის ხელშეწყობას შიდა ქართლში (და არა მარტო) მოქმედი და დამწყები ახალგაზრდული მუშაკების გაძლიერების მეშვეობით.
მათი ინფორმაციით, პროექტის სამიზნე მუნიციპალიტეტებია: ხაშური, კასპი და გორი, მისი მომიჯნავე სოფლების, დაბებისა და დასახლებების ჩათვლით.
„პროექტის ფარგლებში შექმნილი ციფრული ახალგაზრდული მუშაკის კომპეტენციების ჩარჩო დოკუმენტი, ონლაინ კურსი ციფრულ ახალგაზრდულ საქმიანობაში და რესურსები ხელმისაწვდომი იქნება ნებისმიერი დაინტერესებული პირისთვის.
პროექტის უშუალო ბენებეფიციარები იქნებიან ახალგაზრდული მუშაკები და ახალგაზრდული ორგანიზაციები. ახალგაზრდული მუშაკები: პროექტის ფარგლებში გადამზადდება 36 ახალგაზრდული მუშაკი შიდა ქართლის სხვადასხვა მუნიციპალიტიდან, ხოლო ონლაინ კურსში მონაწილეობა შეეძლება ასობით ახალგაზრდულ მუშაკს“, - აღნიშნულია ინფორმაციაში.