ადვოკატი - ილუზია აქვს ვინმეს, რომ ნიკა მელიას დაჭერა-არდაჭერის საკითხს მოსამართლე გადაწყვეტს თავისი შინაგანი რწმენით? - რა გადაწყვეტილებასაც მიიღებს პოლიტიკური ხელმძღვანელობა, ის იქნება მიღებული

მე არ მაქვს მოლოდინი, რომ ეს საქმე სამართლებრივ კონტექსტში განიხილება, სასამართლო ამჯერადაც მიიღებს ისეთ გადაწყვეტილებას, როგორსაც მიიღებს ხელისუფლება, - ამის შესახებ ნიკა მელიას ადვოკატმა, გიორგი კონდახიშვილმა ჟურნალისტებს განუცხადა.

მისი თქმით, არავითარი საფუძველი არ არსებობს იმისა, რომ ნიკა მელიას მიმართ რაიმე სახის აღკვეთი ღონისძიება იქნას გამოყენებული.

„არავითარი საფუძველი არ არსებობს იმისა, რომ არათუ პატიმრობა, არამედ რაიმე სახის აღკვეთი ღონისძიება იქნას ნიკა მელიას მიმართ გამოყენებული. არც მიმალვის საფრთხე არსებობს, არც ახალი დანაშაულის ჩადენის და არც მტკიცებულებათა განადგურების, ეს ორი წლის განმავლობაში, ნიკამ თვალნათელი გახადა. უტოპიურია იმის მტკიცება, რომ ის მიმალვას აპირებს, როდესაც იგი არის საჯარო პოლიტიკოსი და ვარაუდიც კი არ გამოუთქვამს თვითონ ბრალდებსაც კი აღნიშნულთან დაკავშირებით. მე არ მაქვს მოლოდინი, რომ ეს საქმე სამართლებრივ კონტექსტში განიხილება, სასამართლო ამჯერადაც მიიღებს ისეთ გადაწყვეტილებას, როგორსაც მიიღებს ხელისუფლება. შესაბამისად, ეს იქნება პროკურატურის შუამდგომლობის დაკმაყოფილება, თუ მასზე უარის თქმა, ეს გადაწყვეტილება არ იქნება მიღებული სასამართლოს შინაგანი რწმენით. ილუზია აქვს ვინმეს, რომ ნიკა მელიას დაჭერა - არდაჭერის საკითხს ერთი კონკრეტული მოსამართლე გადაწყვეტს თავისი შინაგანი რწმენით? რა თქმა უნდა, არა. რა გადაწყვეტილებასაც მიიღებს ქვეყნის პოლიტიკური ხელმძღვანელობა, ის გადაწყვეტილება იქნება მიღებული. ეს საქმე დიდი ხანია სამართლებრივი ჩარჩოებიდანაა გასული და არ მაქვს მოლოდინი, რომ პროცესი ჩატარდება კანონის მოთხოვნათა სრული დაცვით. ჩვენ დავაყენეთ, რომ გაუქმდეს აღკვეთის ღონისძიება, ვინაიდან, ნიკა მელია არც მიმალვას აპირებს და არც ახალი დანაშაულის ჩადენას. იგი არის საჯარო პოლიტიკოსი და ფაქტობრივად, ყველა საფრთხე და აღკვეთის ღონისძიების საფუძველი აბსოლუტურად არარელევანტურია, არათუ პატიმრობის, არამედ გირაოსთან მიმართებითაც“, - განაცხადა კონდახიშვილმა.

ცნობისთვის, საქართველოს გენერალურმა პროკურატურამ თბილისის საქალაქო სასამართლოს "ერთიანი ნაციონალური მოძრაობის" თავმჯდომარის, ნიკა მელიას მიმართ შეფარდებული აღკვეთის ღონისძიების შეცვლის შუამდგომლობით მიმართა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს