იაგო ხვიჩია - ნიკა მელიას საქმეზე ხელისუფლება და ოპოზიცია ბავშვებივით ერთმანეთს ეჭიმებიან - ოპოზიცია, იძახის: „თუ მაგარი ხარ, დამიჭირე და თუ ვერ გაბედავ, ჩმორი“, ხელისუფლებაც ამაზე გოიმივით ვარდება

ნიკა მელიას საქმე არის საქმე, სადაც ხელისუფლება და ოპოზიცია ნაცვლად იმისა, რომ დაილაპარაკონ და მტყუან-მართალზე შეთანხმდნენ, პატარა ბავშვებივით ერთმანეთს ეჭიმებიან, - ამის შესახებ „გირჩის“ ერთ-ერთმა ლიდერმა, იაგო ხვიჩიამ „პალიტრანიუსის“ გადაცემა „რეზიუმეში“ განაცხადა.

ხვიჩიას შეფასებით, ნიკა მელიას საქმის ირგვლივ განვითარებული მოვლენები „ჩვეულებრივი სპექტაკლია“.

„როგორც მოსალოდნელია, გრძელდება ჩვეულებრივი სპექტაკლი, რომელსაც 9 წელია ვუყურებთ და რომელსაც, სინამდვილეში ამ ქვეყანაში ეწირება მოსახლეობის ინტერესი. ჩვენ ვიცით, რომ როგორც კი კრიზისში შევა „ნაციონალური მოძრაობა“ და თითქოს აღარ აქვს სვლები და დაიწყებენ მუქარას, რომ გაზაფხულზე ამას და იმას ვიზამთო, ამ დროს გამოჩნდება მშველელი, საქართველოს ხელისუფლება და მოაწყობს ისეთ რაღაცას, რომელიც აქტუალურობას სძენს კრიზისში მყოფ ოპოზიციას, რომელსაც რეალურად ჩხუბი უნდა და არა დისკუსიაში შესვლა ან მტყუან-მართლის გარკვევა. ნიკა მელიას საქმე არის საქმე, სადაც ხელისუფლება და ოპოზიცია ნაცვლად იმისა, რომ დაილაპარაკონ და მტყუან-მართალზე შეთანხმდნენ, პატარა ბავშვებივით ერთმანეთს ეჭიმებიან. ერთი აქედან ოპოზიცია, რომელიც იძახის, რომ თუ მაგარი ხარ აბა დამიჭირე და თუ ვერ გაბედავ „ჩმორი“ ხარ და მეორე მხრიდან ხელისუფლება, რომელიც ამაზე გოიმივით ვარდება და ვერ ითმენს, რომ შური არ იძიონ და თავიანთი არ „გაისწორონ“ . ამ კლოუნადაში ვმონაწილეობთ“, - განაცხადა ხვიჩიამ.

ამასთან, მისივე თქმით, „ხელისუფლებამ ნიკა მელიას საქმე მაშინ გააცოცხლა, როცა მიხვდა, რომ ოპოზიციასთან კომპრომისზე წასვლა უწევდა“.

„ორი თვეა პროკურატურა წყნარად იყო ხმა არ ამოუღია და რაღაც დროის შემდეგ, რაც მიხვდნენ, რომ ხელისუფლებას უწევდა კომპრომისებზე წასვლა და შეთანხმების მიღწევა და მათ წინააღმდეგ უკვე გროვდებოდა არგუმენტები, რითაც გამტყუნდებოდნენ. ამ დროს, ხელისუფლებამ არც აცია, არც აცხელა და გააცოცხლა ნიკა მელიას საქმე და ასე ცდილობს შეთანხმების ჩაშლას“, - განაცხადა ხვიჩიამ.

ცნობისთვის, პარლამენტმა "ერთიანი ნაციონალური მოძრაობის" თავმჯდომარის, ნიკა მელიას სადეპუტატო იმუნიტეტის შეჩერებას მხარი დაუჭირა. საქართველოს გენერალურმა პროკურატურამ თბილისის საქალაქო სასამართლოს ნიკა მელიას მიმართ შეფარდებული აღკვეთის ღონისძიების შეცვლის შუამდგომლობით უკვე მიმართა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი წარმატების წერტილი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი