გეგმური სარეაბილიტაციო სამუშაოების გამო, ელექტროენერგიის მიწოდება „ენერგო-პრო ჯორჯია“-ს აბონენტების ნაწილს შეეზღუდება. ამის შესახებ ინფორმაციას „ენერგო პრო ჯორჯია“ ავრცელებს.
„ქსელის გეგმური სარეაბილიტაციო სამუშაოების გამო, 17 თებერვალს 11:00-დან 15:00 საათამდე ელექტროენერგიის მიწოდება შეეზღუდება აბონენტებს დუშეთის რაიონის სოფლებში: ბაზალეთი, კობიაანი, სულიკაანთკარი, ახალი ტონჩა და მიმდებარე სოფლებში.
11:30-დან 12:30 საათამდე აბონენტებს მცხეთის რაიონის სოფლებში: ციხისძირი, ძველი ქანდა, პატარა ქანდა, მუხრანი და მიმდებარე სოფლებში.
12:00-დან 18:00 საათამდე აბონენტებს ზაჰესში - თავისუფლების, ჭიჭინაძის, ყაზბეგის და მიმდებარე ქუჩებზე.
სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში“, - აღნიშნულია ინფორმაციაში.