შალვა პაპუაშვილი - რაც ახლა ხდება "ნაცმოძრაობის" ოფისში, ეს არათუ მცდელობა, არამედ იმ გეგმის ასრულებაა, რომლის მიზანია, გაზაფხულზე დაიწყონ მღელვარების ორგანიზება

ეს არ არის პოლიტიკური დევნა, ეს არის მათი მხრიდან პოლიტიკური მიმალვა,- ასე პასუხობს საპარლამენტო უმრავლესობის წევრი შალვა პაპუაშვილი ჟურნალისტებთან ოპოზიციის ბრალდებებს, რომ ნიკა მელიას ირგვლივ განვითარებული მოვლენები პოლიტიკური დევნაა.

მისი თქმით, პარლამენტმა, მისთვის სადეპუტატო იმუნიტეტის შეჩერებით, მიიღო სწორი გადაწყვეტილება, რადგან ნიკა მელიამ კანონი დაარღვია და ამას არავინ უარყოფს, მათ შორის, არც ოპოზიცია.

"არავინ დედამიწის ზურგზე არ უარყოფს, რომ ნიკა მელია არღვევდა და ახლაც არღვევს კანონს. როცა კანონი ირღვევა, ამას სჭირდება შესაბამისი რეაქცია და აქაც რაიმე კითხვის ნიშანი არ არსებობს. ჩვენ ვალდებული ვართ, ამას მივცეთ რეაქცია, რადგან ეს არ იყო ჩვეულებრივი კანონდარღვევა, ეს იყო მართლმსაჯულების და სამართლებრივი სისტემის გამოწვევა. ის, რაც ახლა ხდება "ნაციონალური მოძრაობის" ოფისში, ეს არათუ მცდელობაა, არამედ ასრულება იმ გეგმის, რომელზეც ჩვენ უკვე დიდი ხანია ვსაუბრობთ და თავადაც ღიად საუბრობდნენ, რომ მათი მიზანია, გაზაფხულზე დაიწყონ მღელვარების ორგანიზება, მართალია დღეს თოვლი მოვიდა და გაზაფხული ჯერ როგორც ჩანს, არ დგება, მაგრამ ვატყობთ, რომ ეს მცდელობები არის და ყველა ეს მცდელობა არის ფუჭი ორი მიზეზის გამო: პირველი - ეს ყველაფერი არის კანონის საწინააღმდეგო და ჩვენ ასეთ კანონსაწინააღმდეგო მოქმედებებს არ დავუშვებთ და მეორე - მათ არანაირი მხარდაჭერა არ აქვთ მოქალაქეებში, ეს ჩანს ყოველ ფეხის ნაბიჯზე, მათი მხარდაჭერა არის ნული,"- განაცხადა პაპუაშვილმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს