გლდანში, ისანში, დიდუბესა და მთაწმინდაზე მცხოვრებ 49 ოჯახს სიმბოლურ ფასად, 1 ლარად საცხოვრებელი ფართები გადაეცემა

თბილისის მერის კახა კალაძის განცხადებით, გლდანში, ისანში, დიდუბესა და მთაწმინდაზე მცხოვრებ 49 ოჯახს სიმბოლურ ფასად, 1 ლარად გადაეცემა საცხოვრებელი ფართები. მან თბილისის მთავრობის დღევანდელ სხდომაზე კიდევ ერთხელ განმარტა, რომ სახელმწიფო მიწების მიტაცება და უკანონო მშენებლობები დაუშვებელია.

„ჩემი წინასაარჩევნო დაპირება იყო საცხოვრებელი ბინების, ფართების დაკანონება. ეს არის ოჯახები, ადამიანები, რომლებიც წლების განმავლობაში ამ საცხოვრებელ ფართებში ცხოვრობენ და პრობლემების, გარკვეული ბიუროკრატიული პრობლემების გამო ვერ ახერხებდნენ დაკანონებას.

ჩვენი წინასაარჩევნო დაპირება იყო, რომ ამ პრობლემას მოვაგვარებდით და დავიწყეთ კონკრეტული ნაბიჯების გადადგმა, დავიწყეთ დაკანონებები. კიდევ ერთხელ ხაზი მინდა გავუსვა იმას, რომ ეს არ ნიშნავს, ვიღაცამ სახელმწიფოს ქონება მიიტაცოს, მიწები დაიტაცოს და მასზე უკანონო მშენებლობები განახორციელოს, ხოლო შემდეგ მოხდეს მათი დაკანონება, ეს კატეგორიულად მიუღებელია და ჩვენ ამას არ დავუშვებთ. კიდევ ერთხელ ვიმეორებ, ოჯახებს, ადამიანებს, ვისაც აქვს პრობლემები საცხოვრებელთან დაკავშირებით, არსებობს შესაბამისი კრიტერიუმები, უნდა გააკეთოთ განაცხადი იმ რაიონის გამგეობებში, სადაც ცხოვრობთ და გამგეობა მოგცემთ იმის შესაძლებლობას, რომ იჯარა გადაგიხადოთ ან ვისაც დასაკანონებელი აქვს, მაქსიმალურად ხელი შევუწყოთ და დავუკანონოთ საცხოვრებელი ფართები. დღეს მინდა მოგაწოდოთ ინფორმაცია, რომ გლდანში, ისანში, დიდუბესა და მთაწმინდაზე მცხოვრებ 49 ოჯახს სიმბოლურ ფასად, 1 ლარად გადაეცემა საცხოვრებელი ფართები. ანუ, დაუკანონდებათ, რასაც ამდენი ხნის განმავლობაში ვერ ახერხებდნენ. ეს პროგრამა, რომელიც მართლაც ძალიან წარმატებულია, მომავალშიც გაგრძელდება“,-განაცხადა კალაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია