გიორგი ვაშაძე - მივმართავ ირაკლი კობახიძეს: ეს არ არის პასუხისმგებლიანი დამოკიდებულება სახელმწიფოსთან მიმართებაში, ყველაზე დიდი პასუხისმგებლობა არის თქვენზე

მივმართავ ირაკლი კობახიძეს: ეს არ არის პასუხისმგებლიანი დამოკიდებულება თქვენს სახელმწიფოსთან მიმართებაში, ყველაზე დიდი პასუხისმგებლობა არის თქვენზე და ნუ გგონიათ, რომ არავინ დააყენებს თქვენს პასუხისმგებლობას პოლიტიკური პროცესის ესკალაციის გამო, - ამის შესახებ ,,სტრატეგია აღმაშენებლის” ლიდერმა, გიორგი ვაშაძემ „ნაციონალური მოძრაობის” ოფისში მისვლის შემდეგ განაცხადა.

მისივე თქმით, ერთიანობას აქვს გადამწყვეტი მნიშვნელობა და ცალკე აღებული ვერცერთი ძალა ვერ შეძლებს პროტესტის აგორებას, თუმცა მიზანი არის არა პროტესტი, არამედ შეთანხმების მიღწევა.

„დღეს მოვედი იმისთვის, რომ ჩემს კოლეგებთან გავიარო საერთო სამოქმედო გეგმა. ჩვენ უნდა ვიდგეთ ერთად, ჩვენი პროტესტი უნდა იყოს მშვიდობიანი და ვიაროთ შეთანხმების გზით, რაც არის ერთადერთი გზა იმისთვის, რომ ამ ჩიხიდან გამოვიდეთ. ვფიქრობ, გამოსავალი არის პოლიტიკურ ანგარიშსწორებაზე ხელის აღება, რიგგარეშე არჩევნების ჩატარება და ამ კრიტიკული სიტუაციის დამთავრება.

ფიზიკურად ბევრ პროტესტში მიმიღია მონაწილეობა, რომელიც იყო მშვიდობიანი, არაძალადობრივი და კანონის შესაბამისი. რა თქმა უნდა, ჩვენ მონაწილეობას მივიღებთ ნებისმიერ მშვიდობიან პროტესტში. თავში გონი და ჭკუა რომ ჰქონდეთ, დაპატიმრებაზე გადაწყვეტილება არ უნდა გამოიტანონ. თუ ისინი მიდიან ესკალაციის გზით, ეს მათი არჩევანია და სრული პასუხისმგებლობა ექნებათ. ერთიანობას აქვს გადამწყვეტი მნიშვნელობა, ცალკე აღებული ვერცერთი ძალა ვერ შეძლებს პროტესტის აგორებას, თუმცა ჩემი მიზანი არის არა პროტესტი, არამედ ნორმალურ ქვეყანაში ცხოვრება და შეთანხმების გზით სვლა. მივმართავ ირაკლი კობახიძეს: ეს არ არის პასუხისმგებლიანი დამოკიდებულება თქვენს სახელმწიფოსთან მიმართებაში, ყველაზე დიდი პასუხისმგებლობა არის თქვენზე და ნუ გგონიათ, რომ არავინ დააყენებს თქვენს პასუხისმგებლობას პროცესის ესკალაციის გამო“, - აღნიშნა გიორგი ვაშაძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი