ნინო წილოსანი ესტონეთის ელჩს შეხვდა

აგრარულ საკითხთა კომიტეტის თავმჯდომარე, საქართველო-ესტონეთის მეგობრობის ჯგუფის ხელმძღვანელი ნინო წილოსანი ესტონეთის საგანგებო და სრულუფლებიან ელჩს, რიინა კალიურანდს შეხვდა. შეხვედრაზე ორ ქვეყანას შორის სხვადასხვა მიმართულებით თანამშრომლობის საკითხები განიხილეს. განსაკუთრებული ყურადღება აგრარულ სფეროში პარტნიორობას დაეთმო. როგორც ნინო წილოსანი აღნიშნავს, ესტონეთი ძალიან ინოვაციურია ბიოწარმოების კუთხით.

„ჩვენს ქვეყნებს ძალიან კარგი და ნაყოფიერი თანამშრომლობა აქვს. ამის დასტურია თუნდაც რამდენიმე საკვანძო რეფორმა, რომლებიც ესტონური მოდელის მიხედვით განვახორციელეთ საქართველოში და წარმატებულიც აღმოჩნდა. მე, როგორც საქართველო-ესტონეთის მეგობრობის ჯგუფის ხელმძღვანელი წინა მოწვევის პარლამენტში და ამ მოწვევაშიც, ბუნებრივია, დაინტერესებული ვარ ესტონეთთან მჭიდრო თანამშრომლობით და ვიმედოვნებ, რომ სამომავლოდ ურთიერთკავშირები კიდევ უფრო გაფართოვდება და გაძლიერდება. ასევე აღსანიშნავია, რომ აგრარული მიმართულებით ესტონეთი ძალიან ინოვაციურია ბიოწარმოების კუთხით. რადგან ჩვენი კომიტეტის პრიორიტეტია აგრარულ სფეროში ბიოწარმოების ხელშეწყობა, ვფიქრობ, ამ მხრივაც მათი გამოცდილების და რჩევების გაზიარება საინტერესო იქნება და დიდად წაადგება ჩვენს სოფლის მეურნეობას“, - განაცხადა ნინო წილოსანმა.

მხარეებმა ორმხრივი თანამშრომლობის ფარგლებში გარკვეული აქტივობებიც დაგეგმეს.

აღნიშნულ ინფორმაციას საქართველოს პარლამენტის პრესსამსახური ავრცელებს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი