მაია ცქიტიშვილი - მინდა მივესალმო ოპოზიციას ამ დარბაზში და იმედი გამოვთქვა, რომ ოპოზიციის ის ნაწილი, რომელიც დესტრუქციული ქმედებებითაა დაკავებული, ასევე დაიკავებს პარლამენტში განკუთვნილ ადგილებს

მინდა შემთხვევით ვისარგებლო, მივესალმო ოპოზიციას ამ დარბაზში და იმედი გამოვთქვა, რომ ოპოზიციის ის ნაწილი, რომელიც დღეს ჯერ კიდევ ქუჩიდან დესტრუქციული ქმედებებით არის დაკავებული, ასევე დაიკავებს პარლამენტში განკუთვნილ ადგილებს,- ამის შესახებ რეგიონული განვითარებისა და ინფრასტრუქტურის მინისტრმა, ვიცე-პრემიერმა მაია ცქიტიშვილმა პარლამენტის პლენარულ სხდომაზე განაცხადა, სადაც მას „მინისტრის საათის“ ფორმატში უსმენენ.

მაია ცქიტიშვილმა სიტყვით გამოსვლისას ევროკავშირის წევრობისთვის 2024 წელს განაცხადის წარდგენასა და ამ მიმართულებით რეგიონული განვითარებისა და ინფრასტრუქტურის სამინისტროს როლზე ისაუბრა.

„ჩემი გამოსვლა მე-10 მოწვევის პარლამენტის წინაშე არ არის პირველი, თუმცა, ახალი მოწვევის პარლამენტში პირველად იმართება „მინისტრის საათი“. სამთავრობო გუნდის გაცხადებული მიზანია ქვეყნის სტაბილური განვითარება და 2024 წელს ევროკავშირის სრულფასოვანი წევრობისთვის განაცხადის წარდგენა. ამ მხრივ, რეგიონული განვითარებისა და ინფრასტრუქტურის სამინისტროს მნიშვნელოვანი როლი აკისრია: ევროკავშირის ქვეყნებთან ფიზიკური კავშირის გაუმჯობესება, მათ შორის ინტეგრაცია ევროპის სატრანსპორტო ქსელში, ინფრასტრუქტურის განვითარება და რეგიონებში ეკონომიკური განვითარების დონის მიახლოება ევროპულ დონესთან, ევროპული ტიპის ადგილობრივი თვითმმართველობის ჩამოყალიბება და ინსტიტუციური დაახლოვება“,-აღნიშნა მაია ცქიტიშვილმა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი