მაია ცქიტიშვილი - რეგიონებში სწრაფი განვითარების ხელშეწყობა ჩვენს უმთავრეს ამოცანად რჩება

რეგიონებში სწრაფი განვითარების ხელშეწყობა რჩება ჩვენს უმთავრეს ამოცანად, როგორც ჩვენი მოსახლეობის საკეთილდღეოდ, ისე ევროკავშირში ჩვენი ქვეყნის სრულყოფილი ინტეგრაციისთვის,- ამის შესახებ რეგიონული განვითარებისა და ინფრასტრუქტურის მინისტრმა, ვიცე-პრემიერმა მაია ცქიტიშვილმა პლენარულ სხდომაზე განაცხადა.

როგორც მაია ცქიტიშვილმა “მინისტრის საათის“ ფორმატში სიტყვით გამოსვლისას აღნიშნა, ეკონომიკური განვითარებისა და ტურიზმის ხელშეწყობისთვის წელს 300 კმ-მდე შიდა გზის სარეაბილიტაციო სამუშოები დასრულდება.

„2021 წელს გავაგრძელებთ რეგიონების დამაკავშირებელი გზების მშენებლობას - ბაღდადი-აბასთუმანის, ხულო-ზარზმის, საჩხერე-ონის, ლენტეხი-მესტიის, თბილისი-შატილის ახალი გზები რეგიონებში ახალ შესაძლებლობებს შექმნიან. თითქმის დაცლილ სოფლებში ახალი ტურისტული პოტენციალი, სამუშაო ადგილები და მუდმივი შემოსავალი ჩნდება. 2021 წელსაც ვაგრძელებთ საბაზისო ინფრასტრუქტურის განვითარებას, მოსახლეობისთვის ღირსეული საცხოვრებელი პირობების და განვითარების შესაძლებლობების შექმნას.

ქალაქების მხარდაჭერის პროგრამის ფარგლებში ქუთაისში, ფოთსა და ზუგდიდში 200 კმ ქუჩების განახლება მიმდინარეობს. უკვე დასრულდა 45 ქუჩის რეაბილიტაცია და წელს დასრულდება დარჩენილი 70 ქუჩის რეაბილიტაცია“,-განაცხადა მაია ცქიტიშვილმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს