გია ვოლსკი - მეხუთე რაუნდისკენ რომ არ მიდის ეს გზა, რაც დღეს ხდება, არაერთხელ გვითქვამს - „ნაცმოძრაობის" მიზანია, ყველაფერი გადავიდეს რევოლუციურ რეჟიმში და ეს კარლ ჰარცელმაც კარგად იცის

ზუსტადაც არ მიდის მეხუთე რაუნდისკენ გზა და ზუსტადაც ეს არის მიზანი მთელი ამ გუნდის, რომელიც იკრიბება, მსჯელობს და გეგმავს, როგორ არ მოხვდნენ მოლაპარაკების მაგიდასთან, - ამის შესახებ პარლამენტის პირველმა ვიცე- სპიკერმა გია ვოლსკიმ ჟურნალისტებთან განაცხადა, რითაც ევროკავშირის ელჩის, კარლ ჰარცელის განცხადებას გამოეხმაურა.

მისი თქმით, სწორედ „ნაციონალური მოძრაობის" ინტერესებში შედის, რომ არ შედგეს მოლაპარაკება, რადგან მოვლენების რევოლუციური სცენარით განვითარება სურთ.

„საერთაშორისო თანამეგობრობაზე, ევროკავშირზე, ჩვენს პარტნიორ ამერიკის შეერთებულ შტატებზე, ცალკეულ ქვეყნებზე ძალიან ბევრია დამოკიდებული, რომ სტაბილურობის აუცილებელი პირობა არ დაირღვეს ქვეყანაში. მეხუთე რაუნდისკენ რომ არ მიდის ეს გზა, რაც დღეს ხდება „ნაცმოძრაობის“ თავმჯდომარის საკითხთან მიმართებაში, ეს ჩვენ არაერთხელ გვითქვამს.

ზუსტადაც არ მიდის მეხუთე რაუნდისკენ გზა და ზუსტადაც ეს არის მიზანი მთელი ამ გუნდის, რომელიც იკრიბება, მსჯელობს და გეგმავს, როგორ არ მოხვდნენ მოლაპარაკების მაგიდასთან, როგორ აირიდონ თავიდან იმაზე საუბარი, თუ რით ასაბუთებენ არჩევნების გაყალებებას და არ მონაწილეობენ იმ მუშაობაში, რისკენაც ათასგზის მოუწოდებს საერთაშორისო თანამეგობრობა. სწორედ ეს არის მთავარი მიზანი „ნაცმოძრაობის", რომ არავითარ შემთხვევაში არ მოხდეს მოლაპარაკება და ყველაფერი გადავიდეს რევოლუციურ რეჟიმში, რასაც დაუფარავას ლაპარაკობენ და ეს კარლ ჰარცელმაც ძალიან კარგად იცის,"- განაცხადა ვოლსკიმ.

ამასთან, ვოლსკი მიიჩნევს, რომ ჰარცელის მოწოდება სიტუაციის დასტაბილურებისკენ კონკრეტული ნაბიჯების გადადგმისა და განცხადებების გაკეთების აუცილებლობის თაობაზე, სწორედ ოპოზიციას ეკუთვნის.

„რა ნაბიჯი უნდა გადადგა და პირველ რიგში, არ უნდა მოიხსნა სამაჯური და ხელისუფლებას არ უნდა ესროლო, არ უნდა თქვა, რომ არანაირი გამოძიება არ გაინტერესებს. არანაირად არ ცნობ არც სასამართლო ხელისუფლებას, არც პარლამენტს, არც არჩევნებს და რევოლუცია არის ერთადერთი გზა. რასაკვირველია, მოწოდება პირველ რიგში მათ ეკუთვნით. ჩვენ ყველაფერს რომ თავი დავანებოთ და ჩვენი გადადგმული ნაბიჯების სია ძალიან გრძელია, მათ ვთავაზობთ, რომ უხელმძღვანელონ, სათავეში ჩაუდგნენ, ჩამოაყალიბონ კომისია, გამოძიება ჩაატარონ და გააკეთონ დასკვნა - უნდა ჩაუდგე სახელმწიფოს მოწინააღმდეგედ, თუ იმ კრიტიკოსად, რომელსაც შეუძლია სახელმწიფოს ემსახუროს თუნდაც, ოპოზიციური პოზიციიდან,"- აცხადებს ვოლსკი.

დეპუტატი ასევე გამოეხმაურა სასამართლოს თაობაზე ჰარცელის განცხადებას და აღნიშნა, რომ ქართული სასამართლო "წინ არის წასული".

„სასამართლოსთან დაკავშირებით რეიტინგით თუ ვიმსჯელებთ, საკმაოდ წინ არის წასული, თუნდაც სტრასბურგში საქმეების რაოდენობით ჩანს, რომ შემცირებულია იმ ხალხის საჩივრები, რომელმაც სამართალი ვერ იპოვა საქართველოში, რეიტინგში პირველ ოცეულში ყოველთვის არის ჩვენი სასამართლო. ამ და ნებისმიერ კონკრეტულ შემთხვევაში, შეგვიძლია ამოვიღოთ საქმე და შევაფასოთ ვითარება, ანალოგიები ვნახოთ იმ ქვეყნების, რომლებიც არიან დემოკრატიული განვითარებული ქვეყნების პირველ ათეულში, ან ევროკავშირთან ან თუნდაც, აშშ- ის ბოლო მოვლენებთან და დავინახავთ, რომ სასამართლოს შეიძლება აგინო, მაგრამ კონკრეტული საქმე ვერ წარმოადგინო, დარწმუნებული ვარ, ამ შემთხვევაშიც, სასამართლო სრულად გაითვალისწინებს როგორც ბრალდების, ასევე, დაცვის არგუმენტებს და გამოიტანს იმ გადაწყვეტილებას, რომელშიც ჩვენ არავის არ გაგვიჩნდება კითხვები,"- განაცხადა ვოლსკიმ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა