„ევროპის უნივერსიტეტის" ონლაინ ზამთრის სკოლის მონაწილეებს კარლ ჰარცელმა, არჩილ თალაკვაძემ და დავით ზალკალიანმა მიმართეს

„ევროპის უნივერსიტეტი" ონლაინ ზამთრის სკოლას „ევროპეიზაცია და დემოკრატიზაცია: საქართველო და ევროკავშირი“ იწყებს.

„ევროპის უნივერსიტეტის" პრესსამსახურის ცნობით, ზამთრის სკოლა დღეს გაიხსნა და მის მონაწილეებს "ევროპის უნივერსიტეტის" რექტორმა ნინო ტალიაშვილმა, ევროკავშირის ელჩმა კარლ ჰარცელმა, საქართველოს პარლამენტის თავმჯდომარემ არჩილ თალაკვაძემ და საგარეო საქმეთა მინისტრმა დავით ზალკალიანმა მიმართეს.

მათივე ინფორმაციით, "ონლაინ ზამთრის სკოლა „ევროპეიზაცია და დემოკრატიზაცია: ევროკავშირი და საქართველო” არის ევროპის უნივერსიტეტისა და ევროკავშირის თანამშრომლობის პირველი ხელშესახები შედეგი, რომლითაც ჩვენი უნივერსიტეტი ძალიან ამაყობს.

„ზამთრის სკოლის ფარგლებში, თქვენ "ევროპის უნივერსიტეტის" პროფესორებისგან ინტერაქციულ რეჟიმში მიიღებთ ინფორმაციას საქართველოს ევროპეიზაციისა და დემოკრატიზაციის, ასოცირების ხელშეკრულებით გათვალისწინებული თემატური საკითხების, საქართველოს ევროპული საგარეო და რეგიონული პოლიტიკისა და ევროპეიზაციის თანამედროვე გამოწვევების შესახებ. თავიანთ პრაქტიკულ გამოცდილებას გაგიზიარებენ საკანონმდებლო და აღმასრულებელი ხელისუფლების წარმომადგენლები, სამოქალაქო საზოგადოების ლიდერები და დარგის სპეციალისტები", - მიმართა მონაწილეებს „ევროპის უნივერსიტეტის" რექტორმა ნინო ტალიაშვილმა.

ზამთრის სკოლის მონაწილეები "ევროპის უნივერსიტეტის" პროფესორებისგან ინტერაქციულ რეჟიმში მიიღებენ ინფორმაციას საქართველოს ევროპეიზაციისა და დემოკრატიზაციის, ასოცირების ხელშეკრულებით გათვალისწინებული თემატური საკითხების, საქართველოს ევროპული საგარეო და რეგიონული პოლიტიკის, ევროპეიზაციის თანამედროვე გამოწვევების შესახებ.

ზამთრის სკოლის დისკუსიებში ჩაერთვებიან საკანონმდებლო და აღმასრულებელი ხელისუფლების მაღალი ოფიციალური პირები, სამოქალაქო საზოგადოების გამორჩეული ლიდერები და დარგის სპეციალისტები.

ზამთრის სკოლა "ევროპის უნივერსიტეტის" ორგანიზებით იმართება, რომელმაც ერასმუს პლიუსის ჟან მონეს პროგრამის ფინანსური მხარდაჭერა მოიპოვა ევროკავშირის საგრანტო კონკურსის ფარგლებში (მოდულის N: 620916-EPP-1-2020-1-GE-EPPJMO-MODULE). აღნიშნული მოდული ასევე ითვალისწინებს აკადემიური გუნდის მიერ კვლევის ჩატარებას და კონფერენციის გამართვას“,-აღნიშნულია "ევროპის უნივერსიტეტის" მიერ გავრცელებულ ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს