რომან გოცირიძე - მალე გავიგებთ, "ქართული ოცნება" შედარებით მშვიდი ნაბიჯით აპირებს სვლას, თუ ძალიან სწრაფად ჩაენარცხება პოლიტიკურ სამარეში

სულ მალე გაირკვევა "ქართული ოცნება" ჩაწვავს თუ არა ხიდებს ქართულ საზოგადოებასთან. მალე გავიგებთ, "ქართული ოცნება" შედარებით მშვიდი ნაბიჯით აპირებს სვლას პოლიტიკური სამარისკენ, თუ ძალიან სწრაფად ჩაენარცხება პოლიტიკურ სამარეში, - ამის შესახებ "ნაციონალური მოძრაობის" ერთ-ერთმა ლიდერმა რომან გოცირიძემ ჟურნალისტებს პარტიის ოფისში განუცხადა, როდესაც ისაუბრა სასამართლოს იმ გადაწყვეტილებაზე, რომელიც ნიკა მელიას საქმესთან მიმართებით დღეს უნდა გამოცხადდეს.

რომან გოცირიძის თქმით, " ქართულ ოცნებას" ამ არჩევანის გაკეთება უწევს.

"დღეს მოსამართლემ უნდა მიიღოს პოლიტიკური გადაწყვეტილება ,ის გადაწყვეტილება, რასაც პოლიტიკური ხელმძღვანელობა დაავალებს. ოღონდ, გაზვიადებული იქნება საუბარი იმაზე, რომ გადაწყვეტილებას იღებს " ქართული ოცნება", გადაწყვეტილება იქნება ისეთი, რასაც უკარნახებს ბიძინა ივანიშვილი. ამ მასშტაბის პოლიტიკური ფიგურის,პოლიტიკური პარტიის ლიდერის დაპატიმრების ერთადერთი გადაწყვეტილების მიმღები არის ბიძინა ივანიშვილი.პერსონალური პასუხისმგებლობა დაეკისრება მას,მთელი მისი ფინანსებით თუ სხვა იმ აქტივებით, რაც გააჩნია. რაც შეეხება დაცვას, ერთ-ერთმა პირველმა სიმბოლურად ვთქვი ის, რომ ეს ოფისი მყარად ნაშენებია, 9 ბალიან მიწისძვრას უძლებს - მეთქი. ოპოზიცია ყველანაირ მიწისძვრას, ყველანაირ შეტევას გაუძლებს", - განაცხადა გოცირიძემ.

თბილისის საქალაქო სასამართლოში „ერთიანი ნაციონალური მოძრაობის“ თავმჯდომარის, 20 ივნისის საქმეზე ბრალდებულ ნიკა მელიას სასამართლო პროცესი მიმდინარეობს. დღევანდელ სასამართლო სხდომაზე მელიას მიმართ აღკვეთის ღონისძიების შეფარდებაზე მსჯელობენ. სასამართლო პროცესს არ ესწრება ნიკა მელია.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს