დავით სერგეენკო გაეროს ბავშვთა ფონდის  წარმომადგენელს საქართველოში, ღასან ხალილს შეხვდა

საქართველოს პარლამენტის თავმჯდომარის მოადგილე, დავით სერგეენკომ გაეროს ბავშვთა ფონდის (UNICEF) წარმომადგენელთან საქართველოში ღასან ხალილთან და იუნისეფის ჯანმრთელობის დაცვის პროგრამის ხელმძღვანელთან თამარ უგულავასთან შეხვედრა გამართა.

პრესსამსახურის ინფორმაციით, შეხვედრაზე საქართველოში UNICEF-ის საქმიანობასთან დაკავშირებული საკითხები განიხილეს.

ასევე ხაზგასმით აღინიშნა, პარლამენტსა და ფონდს შორის არსებული ურთიერთობები. მხარეებმა ბავშვის უფლებებთან დაკავშირებულ საკითხებზე, ამ მიმართულებით განხორციელებულ და დაგეგმილ პროექტებზე ისაუბრეს და სამომავლო თანამშრომლობის ასპექტები განსაზღვრეს.

„დღეს გვქონდა შეხვედრა გაეროს ბავშვთა ფონდის საქართველოს ოფისის ხელმძღვანელთან. ეს ფონდი ბევრ და ძალიან მნიშვნელოვან საქმეს აკეთებს ჩვენი ქვეყნისათვის, ჩვენი შვილებისათვის. მათთან თანამშრომლობა ყოველთვის ძალიან მნიშნელოვანია. დღესაც გვქონდა პატივი, რომ განგვეხილა როგორც მიმდინარე პროექტების პროგრესი, ასევე ახალი შესაძლებლობები და ის აუცილებლობა, რომელიც ჩნდება დღევანდელი პანდემიის და მოსალოდნელი ეკონომიკური რეცესიის პირობებში. ვისაუბრეთ თუ რა შეიძლება გაკეთდეს იმისათვის, რომ ბავშვთა კეთილდღეობა უფრო მეტად იყოს დაცული“, - განაცხადა შეხვედრის დასრულების შემდეგ დავით სერგეენკომ.

რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)