ალეკო ელისაშვილი - გასაგებია  „ქართული ოცნების“ რჩევები და პათოსი, მაგრამ ჩვენ დამოუკიდებლად მივიღებთ გადაწყვეტილებას, სად შევიდეთ და საიდან გამოვიდეთ - ეს ეხება საგამოძიებო კომისიასაც

გასაგებია რჩევები და პათოსი „ქართული ოცნების“ დეპუტატების, მაგრამ ჩვენი პარტია დამოუკიდებლად მივიღებთ გადაწყვეტილებას, სად შევიდეთ და საიდან გამოვიდეთ ან სად არ შევიდეთ - ეს ეხება საგამოძიებო კომისიასაც, - ამის შესახებ „მოქალაქეების“ ლიდერმა ალეკო ელისაშვილმა ჟურნალისტებთან განაცხადა.

მისი თქმით, პარტია „მოქალაქეები" კომისიის მუშაობაში იმ შემთხვევაში ჩაერთვება, თუ მასში მონაწილეობას მიიღებს „ნაციონალური მოძრაობა", „ევროპული საქართველო" და „პატრიოტთა ალიანსი".

„ჩვენ არ ვამბობთ, რომ არ შევდივართ, ჩვენ მზად ვართ შევიდეთ ამ კომისიაში, მაგრამ ჩვენ გვაქვს ჩვენი პირობა - იმისთვის, რომ ვაჩვენოთ სრული სურათი, საჭიროა შემოვიდნენ ამ კომისიაში ის ოპოზიციური პარტიები, რომლებსაც მთელი საქართველოს მასშტაბით ყველა საარჩევნო უბანზე ჰყავდათ კომისიის წევრები, ესენი არიან: „ნაციონალური მოძრაობა,“ მეორე „ნაციონალური მოძრაობა“ და „პატრიოტთა ალიანსი." კეთილი ინებონ ამ პარტიებმა, თუ მართლაც უნდათ ვაჩვენოთ გაყალბების მასშტაბი, შემოვიდნენ და ჩვენც სიამოვნებით ჩავერთვებით.

არაფერს თავს არ ვარიდებთ, მზად ვართ ჩავერთოთ, ოღონდ ჩაერთონ სხვებიც, ვისაც 11 000- ზე მეტი კომისიის წევრი ჰყავდა. ჩვენ არსად გვყოლია დამკვირვებელი, კომისიის წევრები გვყავდა თითზე ჩამოსათვლელი, მოხალისე დამკვირვებლები და ძირითადად, ეს ხალხი იყო საბურთალოზე. სადაც გვყავდა დამკვირვებლები, იქ მზად ვართ, რომ დავადასტუროთ არჩევნების გაყალბება, სადაც არ გვყავდა იქ სხვებიც უნდა დაგვეხმარონ. მე რომ ვიყო „ნაციონალური მოძრაობის“, „პატრიოტთა ალიანსის", ბოკერიას პარტიის ხელმძღვანელი, ღმერთმა დამიფაროს რომელიმეს ხელმძღვანელი ვიყო, მაგრამ ერთი წამი არ შევყოყმანდებოდი, შევიდოდი კომისიაში, ჩემგან რომ ყოფილიყო ლამის 4000 კომისიის წევრი საქართველოს მასშტაბით, დაუფიქრებლად შევიდოდი“, - განაცხადა ელისაშვილმა.

რაც შეეხება მექანიზმის გამოყენებას, რომლის თანახმად, ყველას, ვინც მონაწილეობდა არჩევნებში, აქვს ვალდებულება, რომ საჭიროების შემთხვევაში საგამოძიებო კომისიის კითხვებს უპასუხონ, ელისაშვილი ამბობს, რომ ეს ყველაფერი გასაგებია, მაგრამ „გაცილებით მარტივია, რომ დასტური თქვან და ნებაყოფლობით ჩაერთონ“.

„ახლა ხელებგადაგრეხილი მოყვანა და ძალით სადღაც ღობეზე მიბმით დაკითხვები, ნაღდად არ გვინდა, მოვიდნენ ჩაერთონ, თუ დასტურს იტყვიან, ჩვენც დასტურს ვიტყვით,"- განაცხადა ელისაშვილმა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა