ვურჩევდი მათივე პოლიტიკური ტყავის ინტერესით ეს დანაშაული არ ჩაიდინონ, მაგრამ თუ ეს მოხდა, შანსები იმისა, რომ სამაგალითოდ კანონიერად მოვიქცეთ არის ნაკლები, - ამის შესახებ ,,ევროპული საქართველოს” ერთ-ერთმა ლიდერმა გიგა ბოკერიამ „ნაციონალური მოძრაობის“ თავმჯდომარის ნიკა მელიას საქმეზე საუბრისას განაცხადა.

მისივე თქმით, ნიკა მელიას დაჭერა ქვეყანას შეუქმნის დიდ პრობლემებს, ხოლო იმას, ვინც ამ გადაწყვეტილებებს მიიღებს, ,,პოლიტიკურად დაღუპავს”.

,,ჩვენ გვსურს, რომ ეს უტიფარი, დანაშაულებრივი შეცდომა ივანიშვილის რეჟიმმა არ დაუშვას,როდესაც იჭერენ ყველაზე მსხვილი ოპოზიციური პარტიის ლიდერს. ვურჩევდი მათივე პოლიტიკური ტყავის ინტერესით ეს დანაშაული არ ჩაიდინონ, მაგრამ თუ ეს მოხდა, შანსები იმისა, რომ სამაგალითოდ კანონიერად მოვიქცეთ არის ნაკლები. მათ მოუწევთ ძალის გამოყენება მთელი პოლიტიკური სპექტრის და იმ ხალხის წინააღმდეგ, ვინც ამას აპროტესტებს. ნიკა მელიას დაჭერა ქვეყანას შეუქმნის დიდ პრობლემებს, ხოლო იმათ, ვინც ამ გადაწყვეტილებებს მიიღებს პოლიტიკურად დაღუპავს”, - აღნიშნა გიგა ბოკერიამ.