მიხეილ ჩხენკელმა ევროკომისიის გამარჯვებული პროექტის სამუშაო შეხვედრა გახსნა

საქართველოს განათლების, მეცნიერების, კულტურისა და სპორტის მინისტრმა, მიხეილ ჩხენკელმა ევროკომისიის გამარჯვებული პროექტის „მესამე მისიის ხარისხისა და შესაბამისობის განვითარება საქართველოს უნივერსიტეტებში“ სამუშაო შეხვედრა გახსნა. ამის შესახებ ინფორმაციას განათლების სამინისტრო ავრცელებს.

მათივე ცნობით, ონლაინ რეჟიმში გამართული შეხვედრა საქართველოში უნივერსიტეტების როლის გაძლიერებასა და ხარისხის გაუმჯობესებას მიეძღვნა.

მიხეილ ჩხენკელმა დამსწრე საზოგადოებას სიტყვით მიმართა, ივანე ჯავახიშვილის სახელმწიფო უნივერსიტეტს წარმატება მიულოცა და საქართველოს უნივერსიტეტებში ხარისხის გაუმჯობესების მნიშვნელობაზე ისაუბრა, რაც მნიშვნელოვან როლს თამაშობს ადამიანური კაპიტალის განვითარებასა და ეკონომიკური წინსვლის პროცესში.

მინისტრმა აღნიშნა, რომ განვითარების ტემპმა და სწრაფად ცვალებადმა სამყარომ მნიშვნელოვნად შეცვალა საზოგადოებები და მათი საჭიროებები.

„მნიშნელოვანია, რომ ამ მოცემულობაში უმაღლესი საგანმანათლებლო სისტემის ძირითადი მისია შენარჩუნდეს, განმტკიცდეს და კიდევ უფრო გაფართოვდეს. სწორედ ახალმა რეალობამ განაპირობა უმაღლესი საგანმანათლებლო დაწესებულებების ტრადიციული როლის განსხვავებულად ჩამოყალიბების აუცილებლობა. ცოდნის შექმნისა და ეკონომიკური ცხოვრებისათვის ინოვაციების მნიშვნელობის ზრდამ უნივერსიტეტებისთვის წარმოშვა ახალი როლი – „მესამე მისია“, - აღნიშნა მინისტრმა.

მიხეილ ჩხენკელის თქმით, პროექტის „მესამე მისიის ხარისხისა და შესაბამისობის განვითარება საქართველოს უნივერსიტეტებში“ განხორციელება უმნიშვნელოვანესია ქვეყნის განვითარებისთვის, ვინაიდან ის მიზნად ისახავს საქართველოს უნივერსიტეტების მესამე მისიის – საზოგადოების განვითარებაში წვლილის შეტანის როლის გაძლიერებასა და მისი ხარისხის გაუმჯობესებას, რაც საქართველოს მდგრად სოციალურ, ეკონომიკურ თუ კულტურულ განვითარებას გულისხმობს.

მინისტრმა ხაზი გაუსვა, რომ სამინისტრო აქტიურად ჩაერთვება პროექტში, ხელს შეუწყობს პროექტით დასახული მიზნების მიღწევას, მხარს დაუჭერს უნივერსიტეტების როლის გაზრდასა და დემოკრატიული მისიის განხორციელებას.

„აღსანიშნავია, რომ პროექტის „მესამე მისიის ხარისხისა და შესაბამისობის განვითარება საქართველოს უნივერსიტეტებში“ განხორციელებაში აქტიურად იქნებიან ჩართულნი სამინისტროს წარმომადგენლები. შემუშავდება პოლიტიკის დოკუმენტი, რომელიც განსაზღვრავს უნივერსიტეტის მესამე მისიის მნიშვნელობას, შესთავაზებს საქართველოს უმაღლეს საგანმანათლებლო დაწესებულებებს ხედვასა და სტრატეგიულ მიმართულებებს.

სამუშაო შეხვედრაში, რომელიც თბილისის სახელმწიფო უნივერსიტეტის ორგანიზებით ჩატარდა, ეკონომიკისა და მდგრადი განვითარების მინისტრმა ნათია თურნავამ, თსუ რექტორმა გიორგი შარვაშიძემ, განათლების ხარისხის განვითარების ეროვნული ცენტრის ხელმძღვანელმა თამარ მახარაშვილმა, საქართველოში Erasmus + ოფისის ხელმძღვანელმა ლიკა ღლონტმა, რვა ქართული და სამი ევროპული უნივერსიტეტის, აგრეთვე, საერთაშორისო სააკრედიტაციო საბჭოს EFMD (ბელგია) წარმომადგენლებმა მიიღეს მონაწილეობა“, - აღნიშნულია ინფორმაციაში.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს