არჩილ თალაკვაძე - ძალადობას დემოკრატიად ვერ დაახურდავებენ - ისეთი გადასახურდავებელი პუნქტი არ არსებობს, სადაც მელიას და სააკაშვილის გადახურდავება შეიძლება ხელისუფლებაში

ასეთი გადასახურდავებელი პუნქტი საქართველოში არ არსებობს, სადაც მელიას და სააკაშვილის გადახურდავება შეიძლება ხელისუფლებაში.

არჩევნების ყუთის გვერდის ავლით ამ ქვეყანაში ცვლილებებს ვერავინ გააკეთებს,- ამის შესახებ საქართველოს პარლამენტის თავმჯდომარემ არჩილ თალაკვაძემ „პალიტრანიუსის“ გადაცემა „დღის ნიუსრუმში“ განაცხადა, რითიც ნიკა მელიას საქმესთან დაკავშირებით ევროკავშირის ელჩის კარლ ჰარცელის შეფასებებს გამოეხმაურა.

მისივე თქმით, ეთანხმება ევროკავშირის ელჩს შეფასებაში, რომ ნიკა მელია არის დიალოგის ხელის შემშლელი ერთ-ერთი მთავარი მოთამაშე, რომლისთვის არ არის მთავარი შეთანხმება და არ არის მნიშვნელოვანი ამომრჩეველთა მიერ გაკეთებული არჩევანი, არამედ მნიშვნელოვანია, რომ „ნაციონალურმა მოძრაობამ“ ოპოზიციაში მონოპოლია მოიპოვოს და შემდეგ ეს „მელია -სააკაშვილის დუეტმა სარფიანად გადაახურდაოს ძალაუფლებაში“. „ევროკავშირის ელჩს ნამდვილად ვეთანხმები იმაში, რომ ნიკა მელიას და მის გუნდს, სააკაშვილს, არცერთი ნაბიჯი არ გადაუდგამთ დიალოგის წარმატებით დასრულებისკენ, პირიქით და მათლაც ასეა, რომ ნიკა მელია და მისი გუნდი, რადიკალური ოპოზიცია დღეს რჩება ზუსტად დიალოგის ხელის შემშლელ მთავარ ძალად და მათი რეალური მიზანი გახლავთ ამ დიალოგის ჩიხში შეყვანა. რაც შეეხება პოლიტიკურ ლანდშაფტს, რასაც ამ ორ დღეში ვხედავთ, შეიცვალა ის, რომ ფანჩატურიდან გზატკეცილზე გადაინაცვლა ამ ოპოზიციურმა სპექტრმა. ამას აქვს თავისი მიზეზები და ახსნადია, თუ რატომ მივიდნენ იქ სხვადასხვა ლიდერები, მათ შორის, ის ლიდერები, რომელთაც, ვიტყოდი, რომ ორგანული პრობლემა აქვთ და ორგანული წინააღმდეგობა „ნაციონალურ მოძრაობასთან“. მე ვიტყოდი, რომ რაც უფრო მეტად მოხდება ლუსტრაცია უპრინციპო ადამიანების, რომლებიც გუშინ ამბობდნენ, რომ „ნაციონალური მოძრაობა“ არის ანტიჰუმანური და ანტიდემოკრატიული ძალა, ნახეთ, რომ ევროპარლამენტარებმაც უმძიმესი შეფასება გააკეთეს და რადიკალურ ოპოზიციაზე თქვეს, რომ ისინი ძირს უთხრიან საქართველოს დემოკრატიას, ამაზე მძიმე შეფასებები რა უნდა გაკეთდეს,“- განაცხადა თალაკვაძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი წარმატების წერტილი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი