უგუნურები შეიძლება მართლა თვლიან, რომ ნიკა მელიას ერა სრულდება, ვარწმუნებ ყველას, რომ მელიას ერა იწყება ნებისმიერ შემთხვევაში - დააკავებენ მას თუ არა, - ამის შესახებ „ევროპული საქართველოს” წევრმა აკაკი ბობოხიძემ „ნაციონალური მოძრაობის” ოფისში განაცხადა.
მისივე თქმით, ხელისუფლებას ნებისმიერი ძალის გამოყენება ბუმერანგივით დაუბრუნდება უკან.
„მათი ნაბიჯი არის უსამართლობა, მელია ნებისმიერ შემთხვევაში ხდება უსამართლობასთან მებრძოლი ერთ-ერთი მთავარი პირი, ამიტომ დღეს იწყება საქართველოს ცხოვრებაში ახალი ერა, რომელიც დასრულდება „ქოცების“ დამარცხებით. მათ მოუწევთ ნიკა მელიას წაყვანა, როდესაც ჩვენი ლიდერები საკუთარი ფეხით მიდიოდნენ შსს-ში ეს ერა დასრულებულია, მათ მოუწევთ მისი წაყვანა.
ხელისუფლების მხრიდან ძალის გამოყენების სიგნალი ბევრჯერ მიგვიღია, მაგრამ როდესაც იყენებდა ძალას ყოველთვის უმთავრდებოდა ცუდად. სამწუხაროდ, შეცდომებზეც ვერ იძენენ გამოცდილებას, „ქართული ოცნების” ნებისმიერი გამოყენებული ძალა ყოველთვის რიკოშეტით უბრუნდებოდათ უკან და დღეს კიდევ მეტი ძალით დაუბრუნდებათ. არ მეგულება ჩვენი პარტნიორი, რომელიც მოიწონებს „ქართული ოცნების” მხრიდან ამ ნაბიჯის გადადგმას”, - აღნიშნა აკაკი ბობოხიძემ.