"ნაციონალური მოძრაობის" ერთ-ერთი ლიდერის, სალომე სამადაშვილის განცხადებით, ნიკა მელიას დაპატიმრება საგრძნობლად გააღრმავებს პოლიტიკურ კრიზისს.
როგორც სამადაშვილმა ჟურნალისტებს პარტიის ოფისში განუცხადა, ის ხელისუფლების მხრიდან ძალადობასაც არ გამორიცხავს.
"ეს არის ის ხელისუფლება, რომელმაც 20 ივნისს გავრილოვი ჯერ დაპატიჟა საქართველოს პარლამენტში, შემდეგ საქართველოს მოქალაქეებს გაუსწორდა სისხლიანი მეთოდებით გავრილოვის ჩამოყვანის გაპროტესტებისთვის. ამიტომ ცხადია, რომ არაფრის გამორიცხვა არ შეიძლება. ჩვენ საქმე გვაქვს ხელისუფლებასთან, რომელმაც არაერთხელ იძალადა საკუთარ ხალხზე. არ გამოვრიცხავ იმასაც, რომ ძალადობაზე კიდევ ერთხელ წამოვიდეს", - განაცხადა სამადაშვილმა.