"ლელოს" ერთ-ერთი ლიდერი საბა ბუაძე სხვა ოპოზიციონერ ლიდერებთან ერთად ელოდება სასამართლოს გადაწყვეტილებას ნიკა მელიას საქმეზე და ადგილიდან აფასებს მიმდინარე პოლიტიკურ და სამართლებრივ პროცესს.
საბა ბუაძის თქმით, ხელისუფლება მიმდინარე პროცესით, რასაც ახლა საქართველო ადევნებს თვალს მოქმედი ხელისუფლება გამოუსწორებელ ზიანს აყენებს სახელმწიფო ინტერესებს და ქვეყანას ულახავს საერთაშორისო იმიჯს.
"მელიასთვის იმუნიტეტის მოხსნით და მთელი ამ პროცესებით ხელისუფლებამ გაავლო ძალიან მკაფიო მორალური ხაზი, სადაც თავად დარჩა პოლიტიკური დევნის, ადამიანების შევიწროვების მხარეს, ხოლო სხვა ყველა დანარჩენი დარჩა საღი აზრის, დემოკრატიის მხარეს. ამ პროცესებით კიდევ ერთხელ ხდება ლუსტრაცია, თუ რამდენად არ ადარდებს „ქართულ ოცნებას“ ჩვენი ქვეყნის დემოკრატია, ქვეყნის საერთაშორისო იმიჯი და გამოუსწორებელ ზიანს აყენებს პირველ რიგში სახელმწიფოებრივ, დემოკრატიულ ინტერესებს“, - განაცხადა საბა ბუაძემ.