„ნაციონალური მოძრაობის“ ოფისის მიმდებარედ არსებულ, შსს-ს გადაუდებელ დავალებათა დეპარტამენტის ბაზაზე, სამართალდამცავების მობილიზებაა

„ნაციონალური მოძრაობის“ ცენტრალური ოფისის მიმდებარე ტერიტორიაზე, სადაც შინაგან სამინისტროს გადაუდებელ დავალებათა დეპარტამენტის მესამე განყოფილების ბაზა მდებარეობს, ერთ საათზე მეტია სამართალდამცავების მობილიზება შეინიშნება.

ბაზის ტერიტორიაზე უწყების რამდენიმე ასეული მსუბუქი მანქანა შევიდა.

როგორც „ინტერპრესნიუსის“ კორესპონდენტი ადგილიდან იუწყება, შსს-ს განსაკუთრებულ დავალებათა დეპარტამენტის მესამე განყოფილების ტერიტორიაზე დგას ავტობუსებიც, თუმცა ისინი ამ დროისთვის ცარიელია.

ბაზის ტერიტორიაზე შეინიშნება სამართალდამცავების ფეხით გადაადგილებაც.

არსებული ინფორმაციით, ბაზის ტერიტორიაზე იმყოფება საპატრულო პოლიციის დეპარტამენტის უფროსი ვაჟა სირაძეც, რომელიც ადგილზე დაახლოებით ერთი საათის წინ შევიდა.

შინაგან საქმეთა სამინისტროში სამართალდამცავების გადაადგილებასა და მობილიზებასთან დაკავშირებით აცხადებენ, რომ „ეს ჩვეულებრივი სამუშაო პროცესია“.

იხილეთ ვიდეო:"ნაციონალური მოძრაობის" ოფისის მიმდებარედ არსებულ, შსს-ს გადაუდებელ დავალებათა დეპარტამენტის ბაზაზე, სამართალდამცავების მობილიზებაა

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს