ხატია დეკანოიძე - გახარიას გადადგომა პასუხისმგებლობის თავიდან აცილება იყო, მან ხელები შეაწმინდა კობახიძეს და ივანიშვილს

"ნაციონალური მოძრაობის" წევრის ხატია დეკანოიძის განცხადებით, გიორგი გახარიამ გადადგომით პასუხისმგებლობა აირიდა და ხელები ირაკლი კობახიძესა და ბიძინა ივანიშვილს შეაწმინდა. როგორც დეკანოიძემ აღნიშნა, შექმნილი პოლიტიკური კრიზისის განმუხტვის ერთადერთი გზა რიგგარეშე არჩევნების რაც შეიძლება მალე დანიშვნაა.

მისივე თქმით, ჯერ ოპოზიცია მმართველი გუნდისგან კონკრეტულ წინადადებებს ელოდება.

"გახარიას გადადგომა იყო პასუხისმგებლობის თავიდან აცილება. მან ხელები შეაწმინდა კობახიძეს და ბიძინა ივანიშვილს და ასევე მან მიანიშნა, რომ გავრილოვის ღამეც მისი ბრალი არ იყო. ასე რომ, უმწვავესი პოლიტიკური კრიზისია და ვადამდელი რიგგრარეშე არჩევნები არის მნიშვნელოვანი. ჯერ ვნახოთ "ქართული ოცნება" ამასზე რას იტყვის",- განაცხადა დეკანოიძემ.

რაც შეეხება შინაგან საქმეთა სამინისტროს მიერ ნიკა მელიას მიმართ აღმკვეთი ღონისძიების დროებით შეჩერებას, დეკანოიძე ამბობს, რომ ნიკა მელიას საქმე უნდა გაბათილდეს.

"სამართლებრივად ჩიხში არიან შესულები. ნიკა მელიას საქმე უნდა გაბათილდეს - ახალი შუამდგომლობით, სამართლებრივი მექანიზმებით, იმიტომ რომ ეს საქმე არ არსებობს. ეს არის გავრილოვის დავალებით შეთითხნილი საქმე",- განაცხადა დეკანოიძემ.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 03.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
იურიდიული პირები პროკრედიტ ბანკში ანგარიშებს დისტანციურად გახსნიან