შალვა პაპუაშვილი - ნიკა მელიასთან დაკავშირებით გუშინწინ მიღებული ჩვენი გადაწყვეტილების მიხედვით, შეგიძლიათ იმსჯელოთ, თუ რამდენად შეკრულია "ქართული ოცნების" გუნდი

ნიკა მელიასთან დაკავშირებით გუშინწინ მიღებული ჩვენი გადაწყვეტილების მიხედვით, შეგიძლიათ იმსჯელოთ, თუ რამდენად შეკრულია "ქართული ოცნების" გუნდი, - ასე პასუხობს საპარლამენტო უმრავლესობის წევრი შალვა პაპუაშვილი კითხვას, მოსალოდნელია თუ არა, რომ პარლამენტმა მთავრობა ვერ დაამტკიცოს და რა გადაწყვეტილებას მიიღებენ დეპუტატები, რომლებიც პარლამენტში გახარიას კადრებად ითვლებიან.

შალვა პაპუაშვილის თქმით, "ქართული ოცნების" გუნდი უახლოეს პერიოდში დაასახელებს პრემიერ-მინისტრის კანდიდატურას და დააკომპლექტებს მთავრობას.

"უკვე შუადღე დადგა და ჩვენ გუნდში, რა თქმა უნდა, გვაქვს კომუნიკაცია და ამ კუთხით რაიმე განსხვავებული აზრი არ არსებობს. რაც შეეხება პროცედურებს, პარლამენტს აქვს ორი კვირა და სჭირდება 76 ხმა იმისთვის, რომ დაამტკიცოს მთავრობა, შემდეგ თუ ვერ დაამტკიცებს, იცით, რომ არის კიდევ ორკვირიანი ვადა, ჩვენ უახლოეს მომავალში დავაკომპლექტებთ მთავრობას,"- განაცხადა პაპუაშვილმა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)