სიმართლე გითხრათ, არ მაქვს ასეთი მოლოდინი, - ასე პასუხობს საპარლამენტო უმრავლესობის წევრი მიხეილ სარჯველაძე ჟურნალისტების კითხვას, რამდენად შესაძლებელია, რომ პარლამენტმა ვერ დაამტკიცოს მთავრობა და პროცესი მივიდეს რიგგარეშე არჩევნებამდე.

„არ მგონია, ნამდვილად, რომ პროცესები შეიძლება წავიდეს რიგგარეშე არჩევნებისკენ და იმ სცენარით, რომელსაც აანონსებს ოპოზიციური პარტიები", - განაცხადა სარჯველაძემ.

მისი თქმით, სხვა საკითხებთან დაკავშირებით გიორგი გახარიასთან აზრთა სხვადასხვაობა, რაიმე დაპირისპირება არ ყოფილა და უთანხმოება მხოლოდ იმ საკითხებს უკავშირდებოდა, რაზეც გახარიამ ისაუბრა.

"მე ვუარყოფდი ამ გარემოებას, რომ დაპირისპირება არსებობდა, დღესაც არ დადასტურებულა იმ ფორმულირებებით რაზეც იყო საუბარი, რომ დაპირისპირება იყო, გაჩნდა კონკრეტული უთანხმოება და ამაზე ისაუბრა ბატონმა გიორგი გახარიამ", - განაცხადა სარჯველაძემ.