ღარიბაშვილისთვის ეს არის ძალიან ტრაგიკული მოცემულობა, როდესაც ის ბრუნდება “ქართული ოცნების” ბოლო პრემიერ-მინისტრად, - ასე აფასებს “ლელოს” ლიდერი, საბა ბუაძე ირაკლი ღარიბაშვილის პრემიერ-მინისტრობის კანდიდატად წარდგენას.
ბუაძის თქმით, “ქართული ოცნება” “კომიკურ და გროტესკულ ელემენტებს აბრუნებს”.
“საღი აზრის რესურსი სრულად ამოწურულია ამ პარტიაში და კომიკურ და გროტესკულ ელემენტებს აბრუნებენ. აბრუნებენ ადამიანებს, რომელთა სახელებთანაც დაკავშირებულია ასეულობით მილიონობით ლარის მოპარვა სახელმწიფო ბიუჯეტიდან. ღარიბაშვილის, მისი რეპრესიების და თითის ქნევის არავის არ ეშინია და ჩვენ ვაპირებთ, რომ შევინარჩუნოთ სიმშვიდე და გავაგრძელოთ მშვიდობიანი პროტესტი, რაც აუცილებლად გამოიღებს შედეგს”,- განაცხადა ბუაძემ.
ცნობისთვის, “ქართულმა ოცნებამ" პრემიერ-მინისტრობის კანდიდატად ირაკლი ღარიბაშვილი დაასახელა.