ოთარ კახიძე - თუ ირაკლი ღარიბაშვილის პირველი პრემიერობა იყო ასავალი, ეს იქნება დასავალი, ბოლო ჟამის პრემიერობა

ეს ერთ მდინარეში მეორეჯერ შესვლის მცდელობაა - ღარიბაშვილის პირველი პრემიერობა იყო ასავალი და ეს იქნება დასავალი, ბოლო ჟამის პრემიერობა, - ამის შესახებ „ევროპული საქართველოს“ ერთ-ერთმა ლიდერმა ოთარ კახიძემ „პალიტრანიუსის“ გადაცემა „დღის ნიუსრუმში“ განაცხადა.

მისივე თქმით, „ქართულ ოცნებაზე“ საკმაოდ მძიმედ მეტყველებს ის ფაქტი, რომ მათ ირაკლი ღარიბაშვილის გარდა პრემიერობის კანდიდატი არ ჰყავთ.

„მე მგონი ირაკლი ღარიბაშვილი, რომ ბრუნდება ეს ნიშნავს იმას, რომ შემცვლელის მოძებნა გაუჭირდათ, ყოველშემთხვევაში უკეთესი არჩევანი, როგორც ჩანს, მათ არ აღმოაჩნდათ იმიტომ, რომ ღარიბაშვილი უკვე იყო პრემიერ-მინისტრი და იყო ალბათ, არსებობდა კიდეც რაღაც მიზეზი, რის გამოც ის გადააყენეს. ეს ერთ მდინარეში მეორეჯერ შესვლის მცდელობაა - ღარიბაშვილის ფავორიტი გაზეთის სახელწოდება მახსენდება „ასავალ-დასავალი“, რომელიც ღიად პრორუსული მედიასაშუალებაა და თუ მისი პირველი პრემიერობა იყო ასავალი, ეს იქნება დასავალი, ბოლო ჟამის პრემიერობა. „ქართული ოცნების“ მმართველობა ღარიბაშვილის დროს ხასიათდებოდა პერმანენტული ძალადობით, ოპოზიციური პარტიის წარმომადგენლებზე, თავდასხმები ოფისებზე და ბატონი ღარიბაშვილის ხელწერაა აგრეთვე ის, რომ დააორგანიზეს სკოლის მოსწავლეებისთვის წამების ამსახველი კადრების ჩვენება რეგიონებში. საკმაოდ მძიმედ მეტყველებს, ჩემი აზრით, ეს „ქართულ ოცნებაზე“, რომ სხვა არჩევანი არ აქვთ, გარდა ირაკლი ღარიბაშვილისა“, - განაცხადა ოთარ კახიძემ.

ცნობისთვის, პრემიერ-მინისტრი გიორგი გახარია თანამდებობას ტოვებს და "ქართულმა ოცნებამ" პრემიერ-მინისტრობის კანდიდატად თავდაცვის მინისტრი ირაკლი ღარიბაშვილი დაასახელა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს