მამუკა ხაზარაძე - დღეს გახარიამ აღიარა, რომ მართლმსაჯულების საკითხები წყდება მმართველი ძალის შეკრებებზე და მათ ვერ შეაჯერეს პოზიციები, დაეჭირათ თუ არა მელია

„ლელოს“ ლიდერი მამუკა ხაზარაძე აცხადებს, რომ პრაქტიკულად დღეს გიორგი გახარიამ მოახდინა თვითლუსტრაცია და აღიარა, რომ მართლმსაჯულების საკითხები წყდება მმართველი პოლიტიკური ძალის შეკრებებზე.

„ამაზე დიდი აღიარება პირველი პირისაგან, რომ მათ ვერ შეაჯერეს საკუთარი პოზიციები, დაეჭირათ თუ არა მელია, აღესრულებინათ თუ არა კანონი, ეს პირდაპირ მიუთითებს, რომ "ქართული ოცნება" არის გაბანკროტებული... პრაქტიკულად მთელ ქვეყანას დაუდასტურეს, რომ ჩვენ გვყავს პოლიტიზირებული სასამართლო და პოლიტიზირებული პროკურატურა.

რაც შეეხება ჩვენი საქმის ამოღებას. მინდა გითხრათ, რომ ამის სულ არ მეშინია რადგან მე, რომ უკან დახევა მდომოდა არ შევიდოდი ამ ომში. არ მივატოვებდი 30 წლიან ჩემს ნამუშევარს, რომელშიც ძალიან წარმატებული ვიყავი ჩემს მეგობრებთან და ბადრი ჯაფარიძესთან ერთად. მე შევედი ამ ბრძოლაში, რადგან არ დავუშვებ არასდროს უსამართლობას! ჩვენ ვერავინ შეგვაშინებს!

რაც შეეხება ნიკა მელიას დაჭერა, არ დაჭერის თემას, ჯერ უნდა გამოიძიონ ის კორუფციული სქემები, რომლის მეშვეობითაც "ქართულმა ოცნებამ" მილიარდები ჩაიჯიბა და არცერთი საქმე არ არის გამოძიებული.

დღეს "ოცნებამ" ჩემში ბოლომდე ლუსტრაცია განიცადა და პრემიერ-მინისტრმა დაადასტურა, რომ ისინი მართავენ მოსამართლეებს. ძალიან საინტერესოა ის ფაქტიც, რომ მოსამართლე, რომელიც გუშინ მელიას საქმეს განიხილავდა, ასევე იყო ჩვენი საქმის მოსამართლეც”, - წერს მამუკა ხაზარაძე „ფეისბუქის“ გვერდზე.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი