გიორგი ვაშაძე - თუ ირაკლი ღარიბაშვილი დაპირისპირების გზას აირჩევს, ცუდ გზას დაადგება და მისი პრემიერობა, შეიძლება, ჩანასახოვან სტადიაში დამთავრდეს

თუ ირაკლი ღარიბაშვილი დაპირისპირების გზას აირჩევს და თუ ის იქნება ვიწრო პოლიტიკური ჯგუფის დავალებების შემსრულებელი, ძალიან ცუდ გზას დაადგება და მისი პრემიერობა, შეიძლება, ჩანასახოვან სტადიაში დამთავრდეს, - ამის შესახებ "სტრატეგია აღმაშენებლის" ლიდერმა გიორგი ვაშაძემ დღეს გამართულ ბრიფინგზე განაცხადა.

მისივე თქმით, თუ ხელისუფლება შეეცდება, რომ შტურმით დააკავოს პოლიტიკური ოპონენტები, ძალიან მკაცრ პასუხს მიიღებს.

"ირაკლი ღარიბაშვილს ისევე როგორც ნებისმიერ "ქართული ოცნების" ლიდერს აქვს არჩევანი - დაპირსიპირება თუ შეთანხმება და თანამშრომლობა. თუ ის აირჩევს დაპირისპირების გზას და თუ ის იქნება ვიწრო პოლიტიკური ჯგუფის დავალებების შემსრულებელი, ძალიან ცუდ გზას დაადგება და მისი პრემიერობა, შეიძლება, ჩანასახოვან სტადიაში დამთავრდეს. ჩვენ მზაობას გამოვხატავთ შეთანხმებისთვის. ყველა დაიღალა ამ დაპირისპირების ფონით, შესაბამისად, შეთანხმებისთვის მზაობას გამოვხატავთ. თუ მეორე მხარე იქნება აგრესიული, თუ შეეცდებიან ისევ შტურმით დააკავონ პოლიტიკური ოპონენტები და თავპირის მტვრევა ატეხონ ქვეყანაში, ამაზე ძალიან მკაცრ პასუხს მიიღებენ ჩვენგანაც, საზოგადოებისგანაც და ჩვენი დასავლელი პარტნიორებისაგანაც", - განაცხადა ვაშაძემ.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს