ხელისუფლებამ ყველაფერი უნდა გააკეთოს, რომ შექმნილი ჩიხური სიტუაციიდან გამოვიდეს, პროკურატურას შეუძლია ნებისმიერ დროს მიმართოს სასამართლოს და მოსთხოვოს პატიმრობის გაუქმება ნიკა მელიას მიმართ“,- ამის შესახებ „ნაციონალური მოძრაობის“ თავმჯდომარის ნიკა მელიას ადვოკატმა, დიმიტრი საძაგლიშვილმა ჟურნალისტებთან საუბრისას განაცხადა, სადაც იმ სამართლებრივ მექანიზმებზე ისაუბრა, რაც ნიკა მელიასთვის პატიმრობის გაუქმებას გამოიწვევს.

როგორც დიმიტრი საძაგლიშვილი აცხადებს, ნიკა მელიასთვის პატიმრობის გაუქმება ვითარების დეესკალაციას შეუწყობს ხელს.

„იმდენად ირაციონალური იყო ხელისუფლების მოქმედებები ნიკა მელიას საქმესთან მიმართებაში, რთულია ლოგიკური ვარიანტების გაკეთება, რა გაგრძელება შეიძლება მოჰყვეს. გამორიცხული არაფერია, მათ შორის, ისეთი გადაწყვეტილების მიღება, რომ ისევ შეეცადონ უკანონო გადაწყვეტილების აღსრულებას, თუმცა, ცალსახად შემიძლია ვთქვა, რომ ეს გადაწყვეტილება უკანონოა, ის არ უნდა იყოს აღსრულებული. ხელისუფლებამ ყველაფერი უნდა გააკეთოს, რომ შექმნილი ჩიხური სიტუაციიდან გამოვიდეს. ამის სამართლებრივი მექანიზმები არსებობს, ეს იქნება კარგი ყველა მხარისთვის, ეს შეუწყობს სიტუაციის ნორმალიზებას. რაც შეეხება სამართლებრივ მექანიზმებს, პროკურატურას შეუძლია ნებისმიერ დროს მიმართოს სასამართლოს და მოთხოვოს პატიმრობის გაუქმება ნიკა მელიას მიმართ“,- აცხადებს დიმიტრი საძაგლიშვილი.