პარლამენტის პირველი ვიცე - სპიკერის გია ვოლსკის აზრით, ნიკა მელიას საქმეზე სასამართლოს მიერ მიღებული გადაწყვეტილების აღსრულება „იმ სიმძიმის ტვირთი ვერ გამოდგა, რაც გიორგი გახარიას შეეძლო ეკისრა".
„აღნიშნულ თემაზე დიდი პოლემიკა და აზრთა დაპირისპირება არ ყოფილა. თავად გიორგი გახარიამ განაცხადა, რომ არსებობს სასამართლოს მიერ მიღებული გადაწყვეტილება, რომელიც უნდა აღსრულდეს. რასაკვირველია, აღმასრულებელ სტუქტურას აქვს აღსრულების პასუხისმგებლობა. ვფიქრობ, ეს იმ სიმძიმის ტვირთი ვერ გამოდგა, რაც შეეძლო მას ეკისრა", - განაცხადა დღეს გია ვოლსკიმ.
მან აქვე აღნიშნა ისიც, რომ გახარიას მიერ ქვეყნის წინაშე გაწეული საქმეები დასაფასებელია.