ფეხბურთელ გიორგი შაქარაშვილის საქმეზე ძალადობის ეპიზოდზე ბრალდებული 3 პირის, საბა ჩხარტიშვილის, საბა გოგშელიძისა და ირაკლი წაქაძის სასამართლო პროცესი 2 მარტამდე გადაიდო.

სხდომის გადადების მიზეზი სასამართლო პროცესზე დაზარალებული ვახტანგ ჩიქოვანის გამოუცხადებლობა გახდა.

დღევანდელ სასამართლო პროცესზე ბრალდებულებთან დაკავშირებით პოზიცია მხოლოდ ერთმა დაზარალებულმა ნ. ხ.-მ დააფიქსირა და განაცხადა, რომ ის თანახმაა ბრალდებულებს ამნისტიის ახალი აქტი შეეხოთ.

მას შემდეგ, რაც ორივე დაზარალებული სასამართლოში აღნიშნულთან დაკავშირებით პოზიციას დააფიქსირებენ, ბრალდებულების მიმართ სავარაუდოდ, სისხლის სამართლებრივი დევნა შეწყდება.

ცნობისთვის, ფეხბურთელ გიორგი შაქარაშვილის საქმეზე ბრალდებულ 3 პირს - საბა ჩხარტიშვილს, საბა გოგშელიძესა და ირაკლი წაქაძეს აღკვეთის ღონისძიების სახით შეფარდებული პატიმრობა გირაოთი 11 იანვარს შეეცვალა. მათ ძალადობას, ასევე სხეულის განზრახ მსუბუქ დაზიანებას ედავებიან.