პარლამენტთან მიმდინარე აქციაზე კიდევ ერთი სამოქალაქო აქტივისტი დააკავეს, რასაც წინ სიტყვიერი და ფიზიკური დაპირისპირება უძღოდა.
აქტივისტებსა და სამართალდამცველებს შორის დაპირისპირება მას შემდეგ დაიწყო, რაც პოლიციამ აქტივისტებს კარვების დადგმის საშუალება არ მისცა და ისინი წაიღო.
აქტივისტები პოლიციისგან მოითხოვენ პასუხს, სად არის მათი კარვები. ადგილზე ამ დროისთვის უკიდურესად დაძაბული ვითარებაა, გაძლიერებულია უსაფრთხოების ზომებიც.
ადგილზე იმყოფებიან „ნაციონალური მოძრაობის“ წევრები ლევან ხაბეიშვილი და გიორგი კაპანაძე.